Ukrainka z rasijskim pašpartam Anna Aści budzie dvojčy zapar źbirać «Minsk-Arenu»
Śpiavačka zastajecca ŭ Biełarusi ŭ topach papularnaści — letaś jana davała try kancerty.
Śpiavačka Anna Aści zapłanavała ŭ śniežni dva kancerty ŭ Minsku. Abodva projduć na «Minsk-Arenie» — samaj vialikaj kancertnaj placoŭcy Biełarusi.
Kolkaść kancertaŭ u «Minsk-Arenie» ciapier mizernaja. Aproč Anny Aści, da kanca hoda čakajecca jašče tolki vystup Dzimy Biłana.
Zachodnija śpievaki ciapier u Biełaruś nie jeździać, a mnohija rasijskija zorki abirajuć mienšyja placoŭki.
Naprykład, u kastryčniku Siarhiej Łazaraŭ budzie davać dva zapar kancerty ŭ Pałacy respubliki. Tam ža da kanca hoda vystupiać Ani Łorak i Alaksandr Panajotaŭ. A dla MakSim i Uładzimira Praśniakova prapanavali Pałac sportu.
Admietna, što ŭ śniežni 2023 hoda Anna Aści dała ažno try kancerty ŭ «Minsk-Arenie». Pa śviedčańniach hledačoŭ, usie jany prajšli z anšłahami.
Ańnie Aści 34 hady. Jaje sapraŭdnaje imia — Hanna Dziuba. Dziaŭčyna naradziłasia va ŭkrainskich Čarkasach, praviała tam usio dziacinstva. Pierajechała ŭ Maskvu ŭ 2013 hodzie, ź ciaham času atrymała rasijski pašpart. Śpiavačka nijak nie vykazvajecca nakont rasijskaha napadu na Ukrainu, za što jaje mocna krytykujuć na radzimie.
88-hadovy eks-staršynia Viarchoŭnaha Savieta Siamion Šarecki raskazaŭ, jak jamu žyviecca ŭ Kalifornii16
88-hadovy eks-staršynia Viarchoŭnaha Savieta Siamion Šarecki raskazaŭ, jak jamu žyviecca ŭ Kalifornii
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj2121
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj21
«Staršynia prosta biłasia hałavoj ab stoł. Paśla nam razdali kanvierty z hrašyma». Nastaŭnica była ŭ vybarčaj kamisii ŭ 2020-m — i voś što pabačyła1616
Kamientary