Były dypłamat Macukievič: Režym šle sihnały ab svajoj hatoŭnaści niešta abmiarkoŭvać
«Ja dumaju, što ŭładaŭ cikavić mahčymaść narmalizacyi adnosin», — kaža Pavieł Macukievič.
U efiry «Jeŭraradyjo» były dypłamat, a ciapier staršy daśledčyk Centra novych idej, kiraŭnik inicyjatyvy MALDZIS Pavieł Macukievič vykazaŭ svoj punkt hledžańnia na toje, čamu Łukašenka vyzvalaje niekatorych palitviaźniaŭ.
Za hetym staić upeŭnienaść Łukašenki ŭ svaich siłach i žadańnie pierazahruzić adnosiny z Zachadam u 2025 hodzie, ličyć Macukievič.
«Režym vidavočna šle sihnały ab svajoj hatoŭnaści niešta abmiarkoŭvać, bo Alaksandr Łukašenka vidavočna źbirajecca pryniać udzieł u vybarach 2025 hoda. I pakolki jaho asabista mohuć cikavić tolki pytańni zachavańnia, umacavańnia ŭłady i, adpaviedna, pryznańnia, to, ja dumaju, kančatkova meta — pasprabavać «zachavać stary fajł».
Macukievič adznačaje, što adnosiny z Zachadam mohuć transfarmavacca z «režymu supraćstajańnia i pramoj kanfrantacyi» ŭ «režym suisnavańnia».
Na dumku byłoha dypłamata, z-za taho, što kanfrantacyja z Zachadam znachodzicca ŭ aktyŭnaj fazie, Łukašenka nie vypuskaje znakavych fihur i praciahvaje represii.
«Ja dumaju, što ŭładaŭ cikavić mahčymaść narmalizacyi adnosin. Pra 2019-ty tut maryć składana, ale pryncypova ŭ hetym [narmalizacyi adnosin z Zachadam] my pavinny ŭsie być zacikaŭleny».
Jon ličyć, što sankcyi — nie ŭ intaresach biełarusaŭ, a kanfrantacyja z Zachadam adsiakaje našu krainu ad Jeŭropy.
Macukievič pierakanany: «Ułada ŭ 2025 hodzie nie źmienicca, i, mahčyma, jana nie źmienicca i ŭ 2030-m. Maksimalna, na što možna raźličvać, heta na tranzit ułady dzie-niebudź da 2030-ha hoda. I heta było b surjoznym zrušeńniem. Ale pra heta taksama treba damaŭlacca».
Macukievič miarkuje, što «my zhubili čatyry hady ŭpustuju». Pytańnie pra tranzit ułady treba było stavić u toj momant, kali byli pratesty, kali stała zrazumieła, što ŭłada nikudy nie sydzie, a kryvaja pratestaŭ pajšła ŭ bok zhasańnia.
«Represiŭnaje žyćcio, jakoje ciapier kvitnieje ŭ Biełarusi, taksama nie źjaŭlajecca narmalnym stanam dla hetaha režymu. Hety režym u pryncypie hatovy mirycca i ciarpieć šmat čaho, akramia zamachu na ŭładu. Prablema ŭ tym, što kožny raz, kali jon bačyć prykmiety hetaha zamachu, jon dastaje samuju vialikuju dubinu».
U situacyja, što skłałasia, Macukievič nie bačyć mahčymaściej dla pačatku dyjałohu demakratyčnych sił z uładami. Były dypłamat miarkuje, što demakratyčnym siłam varta nakiravać usiu enierhiju na vyzvaleńnie palitviaźniaŭ i spynieńnie represij.
Chto ŭznačalić Biełaruś paśla Łukašenki? Vyniki vialikaha apytańnia
Były dypłamat Macukievič: Režymu nie ciažka vyzvalić usich palitźniavolenych na praciahu 48 hadzin. Heta vialiki pravał apazicyi
«Tołku ad marali, jakaja nie vyzvalaje ludziej?» Były dypłamat Macukievič zaklikaje da pieramoŭ z Łukašenkam
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj2121
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj21
«Staršynia prosta biłasia hałavoj ab stoł. Paśla nam razdali kanvierty z hrašyma». Nastaŭnica była ŭ vybarčaj kamisii ŭ 2020-m — i voś što pabačyła1616
Kamientary