U sakaviku 2023-ha ad raku hrudziej pamierła Nadzieja Mialeška — błohierka i žonka eks-chakieista zbornaj Biełarusi. Praz hod, u červieni 2024-ha, jaje ŭdaviec Dźmitryj vykłaŭ fota z novaj dziaŭčynaj, čym naklikaŭ na siabie chvalu paprokaŭ u siecivie. Ciapier jon raskazaŭ pra novuju kachanuju trochi padrabiaźniej.
Abrańnicu Dźmitryja zavuć Alena, joj 37 hadoŭ, u jaje jość syn Cimafiej. Dźmitryj piša, što i ź Cimafiejem, i z baćkami Aleny ŭ jaho dobryja adnosiny.
Padpisčyki časam prosiać Dźmitryja i Alenu raskazać pra ich historyju znajomstva, ale para pakul nie dzielicca hetym. Mužčyna tolki adznačyŭ, što heta nie staraja znajomaja i nie tajemnaja prychilnica.
Taksama nieviadoma, čym u žyćci zajmajecca Alena. U šapcy jaje profila ŭ instahramie napisana łakaničnaje «žyvu svajo najlepšaje žyćcio». Jość zachavanyja storys ź lubimymi filmami, niekalki kadraŭ z Naračy i sustreč ź siabrami.
Hledziačy pa tych pastach, jakija publikuje Alena, joj dahetul dastajecca niamała chejtu ad prychilnikaŭ pamierłaj žonki jaje kachanaha. Naprykład, tydzień tamu jana napisała:
«Masy nikoli nie viedali žadańnia praŭdy. Jany patrabujuć iluzij, bieź jakich jany nie mohuć žyć».
Dy i ŭ kamientarach karystalniki instahram vykazvajuć nierazumieńnie:
«Ja vielmi rada za Dzimu i vielmi rada za vas, ale ja nie dumała, što hod jašče nie projdzie i jon tak chutka znojdzie inšuju! Kaniešnie, sprava nie naša, ale ŭsio ž kali ludzi viaduć błoh, jany pavinny razumieć, što ich hladziać, što ich lubiać, za ich pieražyvajuć!»
Dźmitryj upieršyniu apublikavaŭ fota z Alenaj praz hod paśla śmierci Nadziei, ale chodziać čutki, što ich bačyli razam užo praz paŭhoda paśla taho, jak mužčyna aŭdavieŭ. Ciapier jon raskazvaje ŭ storys, što zaŭždy byŭ ščyry z baćkami Nadziei i svaimi dziećmi — maŭlaŭ, jany ŭsio viedali pra Alenu, a siastry Nadziei jon usio raskazaŭ jašče raniej.
Mialeška piša, što pačuŭ ad Maryi Ivanaŭny (vierahodna, heta maci Nadziei) pažadańnie žyć dalej, bo «ŭsio žyćcio jašče napieradzie».
U apošnija miesiacy žyćcia 35-hadovaja Nadziei Mielaška ź siamjoj žyła ŭ Hiermanii, a chutka paśla śmierci błohierki Dźmitryj z synami viarnuŭsia ŭ Minsk. Były chakieist piša, što dzieci nie chacieli zastavacca ŭ Bierlinie.
«Naša Niva» — bastyjon biełaruščyny
PADTRYMAĆChakieist Dźmitryj Mialeška, čyja žonka Nadzieja pamierła ad ankałohii, vykłaŭ fota ź siabrami — i atrymaŭ chvalu paprokaŭ
Pamierła Nadzieja Mialeška — papularnaja błohierka i žonka chakieista zbornaj. Jana pakinuła na vypadak śmierci kranalny post
Maryna Mientusava raskazała pra razryŭ z mužčynam. Pryčyna vas ździvić
Statkieviča naminavali na Nobieleŭskuju premiju miru2
Statkieviča naminavali na Nobieleŭskuju premiju miru
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj2121
Kamientary