Były narodny deputat SSSR i aŭtar telehram-kanała «Čiernyj połkovnik» Viktar Ałkśnis pamior u 74 hady.
Pra śmierć Ałkśnisa paviedamiła jaho dačka ŭ jaho telehram-kanale. «U noč na 30 śniežnia ŭ taty zdaryŭsia hiemarahičny insult, jon adrazu ŭpaŭ u hłybokuju komu», — napisała jana.
Ałkśnis byŭ narodnym deputatam SSSR (1989-1991), deputatam Viarchoŭnaha Savieta Łatvijskaj SSR (1990-1991) i rasijskaj Dziarždumy (2000-2007). U 2013-2015 hadach uznačalvaŭ haradskoje pasielišča Tučkava ŭ Maskoŭskaj vobłaści.
Jon byŭ u apazicyi da Harbačova i jaho palityki «pierabudovy». Kali zdaryŭsia žnivieński putč 1991 hoda, padtrymaŭ HKČP.
U ŚMI jaho prazvali «čornym pałkoŭnikam».
«U vajnie Rasii suprać Ukrainy Ałkśnis ubačyŭ šaniec na histaryčny revanš, ale sam chod pucinskaj «SVA» jaho rasčaravaŭ», — napisaŭ pra byłoha deputata analityk Alaksandr Frydman.
Jon zhadaŭ sumiesnyja strymy Ałkśnisa i Hirkina-Strałkova.
«Myć posud pad ich hnieŭnyja razvahi pra «biazdarnaha Pucina», «faniernaha maršała» Šajhu, chłuślivych rasijskich hienierałaŭ i pra «biełaruskaha nacyjanalista» Łukašenku, nibyta hatovaha zdradzić Rasii pry pieršaj ža mahčymaści, było sapraŭdnaj asałodaj. Siarod hrateskavych pajacaŭ z sałaŭjoŭska-skabiejeŭskich «orhij varjactva» takich z ahniom nie adšukać.
U adroźnieńnie ad mnohich naskroź falšyvych rasijskich z-patryjotaŭ tavaryš Ałkśnis nie byŭ apartunistam i praz usio žyćcio pranios viernaść svaim adyjoznym ideałam», — daŭ acenku Frydman.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii13
Kamientary