57-hadovuju eks-rabotnicu Połackaha dziaržaŭnaha ŭniviersiteta asudzili za «sadziejničańnie ekstremisckaj dziejnaści»
Taćcianu Mišynu sudzili ŭ śniežni 2024 hoda, ale prysud nieviadomy.
Taćcianie Mišynaj 57 hadoŭ. Rodam jana z rasijskaha Čalabinska, ale daŭno pierajechała ŭ Biełaruś i maje hramadzianstva. Razam ź siamjoj jana žyvie ŭ Navapołacku.
Pa źviestkach Digital intelligence team, z 2003 pa 2016 hady žančyna pracavała inžynieram u Połackim dziaržaŭnym univiersitecie, a paśla — na Navapołackim zavodzie technałahičnych mietałakanstrukcyjaŭ.
Miarkujučy pa sacsietkach, Taćciana lubić pachody i padarožžy, asabliva — harnałyžny sport.
Data zatrymańnia Taćciany nieviadomaja, jak i sutnaść abvinavačańniaŭ, ale apošnim časam pa hetym artykule sudzili tych, chto dapamahaŭ palitviaźniam. Pa infarmacyi inicyjatyvy Dissidentby, pa hetym ža artykule zatrymali i buduć sudzić Taćcianu Franckievič, maci palitviaźnia Alaksandr Franckieviča, a taksama Natallu Łabacevič, maci palitviaźnia Illi Łabaceviča — abiedźvie jany z Navapołacka.
Taćcianu Mišynu sudzili 18 śniežnia ŭ Viciebskim haradskim sudzie. Jaje abvinavacili pa dźviuch častkach artykuła 361-4, «sadziejničańnie ekstremisckaj dziejnaści». Mišynaj pahražała da 7 hadoŭ kałonii, ale prysud nieviadomy.
«Naša Niva» — bastyjon biełaruščyny
PADTRYMAĆStała viadoma, jakija katehoryi ludziej pakinuli za kratami paśla apošniaj abłavy na salidarnych z palitviaźniami
Dziaŭčynu, jakaja vučyłasia ŭ Varšaŭskim univiersitecie i doŭhi čas žyła ŭ Polščy, aryštavali za dapamohu palitviaźniam
Zatrymanych niekalki socień, niekatorym paśla dopytaŭ nie viartajuć pašparty. Padrabiaznaści abłavy na salidarnych z palitviaźniami
Kamientary