Japonskim dypłamatam nie dazvolili prysutničać na sudzie nad japoncam
Ambasada Japonii ŭ Biełarusi źviartałasia da ŭładaŭ krainy z zapytam dazvolić jaje dypłamatam prysutničać na sudovym pasiadžeńni nad hramadzianinam Japonii Nakanisi Masatosi, ale zapyt byŭ adchileny, paviedamili NHK (Japonskaja teleradyjoviaščalnaja karparacyja) u ambasadzie. Pra heta piša «Radyjo Svaboda».
Praces nad palityčnym źniavolenym hramadzianinam Japonii Nakanisi Masatosi pačaŭsia 10 studzienia ŭ Minskim haradskim sudzie. Jon prachodzić u zakrytym režymie.
Nakanisi inkryminavali art. 358-1 KK («Ahienturnaja dziejnaść»). Praces viadzie sudździa Anžeła Kaściukievič. Hramadzianinu Japonii pahražaje da 7 hadoŭ kałonii.
Nakanisi Masatosi pierajechaŭ u Biełaruś u 2018 hodzie, uziaŭ šlub ź biełaruskaj i pracavaŭ vykładčykam japonskaj movy ŭ Homielskim dziaržaŭnym univiersitecie imia Skaryny.
Jaho zatrymali ŭ lipieni 2024 hoda, ale padrabiaznaści jahonaha pieraśledu byli ahučany ŭ siužecie BT tolki ŭ vieraśni. U im śćviardžałasia, što mužčyna «ažyćciaŭlaŭ zbor i pieradaču na adras japonskaj śpiecsłužby raźviedvalnickaj infarmacyi vajskovaha charaktaru».
Japonija zajaviła pratest Biełarusi ŭ suviazi z aryštam i abvinavačvańniami ŭ adras svajho hramadzianina Masatosi Nakanisi. Hałoŭny sakratar Kabinieta ministraŭ Japonii Josimasa Chajasi nazvaŭ siužet biełaruskich prapahandystaŭ pra Masatosi «vartym žalu» i zajaviŭ, što japonski ŭrad budzie akazvać «usiu mahčymuju padtrymku, kab abaranić našych suajčyńnikaŭ».
U śniežni 2024 hoda stała viadoma pra zatrymańnie druhoha japonca, što paćvierdziła ambasada Japonii. Jaho proźvišča nieviadomaje.
Sfabrykavanyja pierakłady i łžyvyja abvinavačvańni. Što pišuć japonskija ŚMI pra zatrymanych hramadzian u Biełarusi
Na Biełaruskaj čyhuncy zatrymali jašče adnaho hramadzianina Japonii
«Nievierahodna, što dziaržTB moža tak adkryta chłusić». Čałaviek, jakoha BT nazvała kurataram japonskaha špijona, prakamientavaŭ situacyju
«Japonskich špijonaŭ» u Biełarusi zatrymlivajuć nie pieršy raz. Praŭda, pieršaja apieracyja skončyłasia śmierciu danosčyka
Na dziaržTB raskazali, u čym vinavaciać zatrymanaha japonca, jaki vykładaŭ va ŭniviersitecie ŭ Homieli
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni6
Kamientary