Na Novy hod siłaviki zładzili pieratrus u babuli byłoha žurnalista «Biełsata»
Biełaruskija siłaviki nadalej prychodziać ź pieratrusami da byłoha žurnalista Siarhieja Skułaŭca, jaki ŭžo z 2023 hoda nie žyvie ŭ Biełarusi. A jamu samomu jany prapanoŭvajuć viarnucca, paviedamlaje «Biełsat».
Jak raspavioŭ Siarhiej Skułaviec «Biełsatu», na Novy hod siłaviki zładzili jašče adzin pieratrus u jahonaj 86-hadovaj babuli, jakaja žyvie ŭ vioscy Chorsk Stolinskaha rajonu.
«31-ha viečaram znoŭ pryjechali ź pieratrusam da babuli. Sa Stolina naviedaŭsia śledčy z pastanovaj pra pieratrus, jakuju padpisaŭ prakuror ź Ivacevičaŭ. Pierad hetym zvanili mamie, nazvalisia ź milicyi i paviedamili, što suprać mianie zaviali kryminałku. Milicyjant taksama skazaŭ, što jamu daručyli raspavieści pra toje, što kali ja nadumaju viartacca, to treba źviarnucca ŭ kamisiju pamiłavańnia. Jon raspavioŭ heta mamie i paprasiŭ jaje pieradać mnie», — skazaŭ były žurnalist.
Pavodle jaho, babula zamknuła vieśnicy, dyk milicyjant pieraskokvaŭ praz płot.
30 listapada Skułaviec užo paviedamlaŭ, što «kłoŭny ŭ formie, jakija nosiać pahony i nazyvajuć siabie śledčymi i rabotnikami KDB», pryjšli ź pieratrusam da jahonaj babuli.
«Sutnaść pretenzijaŭ i nahoda pieratrusu z boku kłoŭnaŭ zastałasia nieviadomaj, ale niaŭrymśliva šukajuć mianie. Pierahledzieli mabilniki, zadavali niejkija pytańni, a potym samyja ž na ich adkazvali i niešta zapisvali. Baćka ž skazaŭ, što ŭ hetym domie niama anijakich maich rečaŭ, ale heta kłoŭnaŭ zusim nie cikaviła», — adznačaŭ były žurnalist.
Siarhiej Skułaviec pakinuŭ Biełaruś u červieni 2023 hoda, atrymaŭšy papiaredžańnie ab rychtavanym zatrymańni, i pierajechaŭ u ZŠA.
-
U Polščy ŭkrainski kiroŭca aŭtobusa schavaŭsia siarod pasažyraŭ, a na svajo miesca chutka pasadziŭ biełarusa
-
Ryžankoŭ: Zachad nie dapuskaje, što chtości moža ŭžyć takoha rodu siłu. A siłu takuju moža ŭžyć Rasija. My razam z Rasijaj
-
15 hadzin spatrebiłasia, kab sabrać zbor dla evakujavanaj siamji Taćciany Krapinievič, na jakuju daniesła Bondarava
Jak za biełaruskimi apazicyjanierami špijoniła madel Onlifans46
Jak za biełaruskimi apazicyjanierami špijoniła madel Onlifans
«Staršynia prosta biłasia hałavoj ab stoł. Paśla nam razdali kanvierty z hrašyma». Nastaŭnica była ŭ vybarčaj kamisii ŭ 2020-m — i voś što pabačyła1313
Kamientary