Амерыканскія СМІ назвалі, хто можа пераканаць Байдэна выйсці з прэзідэнцкай гонкі
Прэзідэнт ЗША Джо Байдэн 30 чэрвеня абмяркуе з членамі сямʼі сваё вылучэнне на другі прэзідэнцкі тэрмін, паведамляе NBC News са спасылкай на крыніцы.
Паводле NBC News, толькі члены сямʼі — і ў прыватнасці, жонка Джыл — маглі б пераканаць Байдэна, што яму неабходна выйсці з гонкі пасля нядаўняга правалу на дэбатах з Дональдам Трампам.
«Людзі, якія прымаюць рашэнні — гэта два чалавекі, прэзідэнт і яго жонка», — сказала адна з крыніц. «Адзіны чалавек, які мае поўны ўплыў на яго, гэта першая лэдзі. Калі яна вырашыць, што курс павінен змяніцца, курс зменіцца», — дадаў іншы суразмоўца.
Джыл Байдэн, паводле амерыканскіх выданняў, першапачаткова падтрымлівала паўторнае вылучэнне мужа.
Але амерыканскія СМІ адзначаюць, што ў Дэмакратычнай партыі няма адзінага меркавання, ці неабходна Байдэну адмовіцца ад барацьбы на прэзідэнцкіх выбарах. Важны аргумент супраць — адсутнасць іншых досыць папулярных кандыдатаў.
У ЗША 27 чэрвеня прайшлі дэбаты кандыдатаў у прэзідэнты — Дональда Трампа і Джо Байдэна. Яны завяршыліся правалам для цяперашняга прэзідэнта. Газета The New York Times пасля дэбатаў заклікала Дэмакратычную партыю вылучыць іншага кандыдата замест Байдэна. Сам прэзідэнт ЗША заявіў, што мае намер перамагчы на выбарах.
88-гадовы экс-старшыня Вярхоўнага Савета Сямён Шарэцкі расказаў, як яму жывецца ў Каліфорніі5
Каментары