«Думала, будзе каля 250 еўра». Тыкток у захапленні ад таго, як мінчанка прыгатавала на замову святочны стол

Алеся Гаўрылюк з Мінска называе сябе чараўніцай смаку: яна на замову робіць розныя стравы — ад гастрабоксаў з канапэ да гарачага і тортаў. Сваю працу жанчына паказвае ў сацыяльных сетках.

Нядаўна яна выклала ў тыкток ролік, у якім расказала, што прыгатавала для сям’і з пяці чалавек на Новы год. Там былі прафітролі з тварожным сырам і ікрой, розныя рулецікі, брускеты, канапэ, вялікі шпінатны рулет з фарэллю, класічныя салаты «Селядзец пад шубай» і «Аліўе», мяса з ананасам, свініна ў беконе, а таксама торт «Медавік».

Гаспадыні, якая замаўляла стравы для свайго святочнага стала, усё гэта каштавала 420 рулёў.

@kudesnica_vkusa Еда на заказ в Минске от ‍ фуршетного мастера на новогодний стол для семьи из 5 человек Стоимость заказа: 420 руб. #creatorsearchinsights #закуски #закускинапраздничныйстол #канапе #торт #медовик #кростиники #рулетик #шпинатныйрулет #фуршет #еданазаказ #новогоднийстол #фуршетныймастер #kudesnicavkusa #кудесницавкуса ♬ оригинальный звук - Кудесница вкуса Олеся Гаврилюк

За тры дні відэа ў тыктоку набрала 1,4 мільёна праглядаў і каля 75 тысяч лайкаў. Зразумела, сярод каментатараў знайшліся і тыя, хто абурыўся тым, што жанчына вырашыла замовіць прысмакі для сваёй сям’і замест таго, каб самастойна ўсё прыгатаваць. Але большасць усё ж лічыць, што калі грошы дазваляюць, то лепш патраціць час на сябе або сям’ю, чым на кухню.

Шмат каго здзівіў кошт такой замовы, таму Алесі раілі падымаць цану сваёй працы: «Пабачыла і здзівілася, калі перавяла цану ў еўра: думала, будзе каля 220-250 еўра».

У іншым відэа Алеся распавяла пра свой шлях у прафесійныя кухары. Кажа, калі скончыла педагагічны ўніверсітэт, нават падумаць не магла, што ў выніку пачне зарабляць на фуршэтах.

Жанчына спрабавала сябе ў розных сферах: працавала ў школе, потым у лагістычнай кампаніі і нават прайшла курсы фітнэс-трэнеркі. А пасля пабралася шлюбам, пайшла ў першы дэкрэт — і вось у гэты час яна пачала здымаць рэцэпты для тыктоку.

Потым нарадзілася другое дзіця. Алеся распавядае, што колькасць святаў у сям’і павялічылася, а ёй нават простую сустрэчу з сябрамі хацелася зрабіць максімальна смачнай і незвычайнай.

— Кожны раз усе здзіўляліся, наколькі прыгожы стол і смачная ежа. І тут я злавіла сябе на думцы, што рабіць для людзей смачную ежу мне падабаецца.

Тады Алеся вырашыла прайсці курсы па фуршэтным майстэрстве. Цяпер яна называе кулінарыю справай свайго жыцця.

• 30
• 0
• 1
• 2
• 0
• 0
• 0
• 2