Dziesiaty dzień haładoŭki
Nasta Pałažanka: «Chaču skazać dla tych, chto nie bačyć sensu ŭ našaj haładoŭcy — nijakaha pafasu i samapijaru tut niama».
Siońnia dziesiaty dzień haładoŭki salidarnaści ź Mikałajem Aŭtuchovičam, jakuju pravodziać siabry «Maładoha frontu»,a taksama niekatorych inšych arhanizacyj. Pavodle pres‑sakratara «MF» Taćciany Šapućki, u haładoŭcy na siońniašni dzień prymajuć udzieł 30 čałaviek. Dvoje — Andruś Cianiuta i Hleb Snorkin — praz stan zdaroŭja byli vymušanyja spynić akcyju salidarnaści.
Namieśnica staršyni «MF» Nasta Pałažanka kaža: «Chaču skazać dla tych, chto nie bačyć sensu ŭ našaj haładoŭcy —
nijakaha pafasu i samapijaru tut niama.My padtrymlivajem čałavieka, jaki pamiraje za kratami. Svajoj akcyjaj my chočam zaklikać da ahulnanacyjanalnaj salidarnaści z tymi, chto cierpić za praŭdu. Danieści da mižnarodnaj supolnaści prablemu palityčnych represij, jakaja pa‑raniejšamu aktualna».
Stałyja palityki, jak Alaksandr Kazulin, Lavon Barščeŭski, Mikoła Statkievič haładoŭku pakul što spynili. «Razam z tym, Alaksandr Kazulin abiacaŭ u 20‑ych dniach traŭnia prabyć niekalki dzion z haładoŭnikami», — kaža T.Šapućka.
Nasta Pałažanka havoryć, da ich na Ŭpravu BNF prychodzić vielmi šmat naviedvalnikaŭ. «Tamu ŭ asnoŭnym razmaŭlajem ź ludźmi, ci čytajem knihi. Bibliju, voś Uładzimir Arłoŭ svaje knihi prynios». Prychodziŭ Źmicier Vajciuškievič, jaki praśpiavaŭ niekalki piesień.
Spyniać akcyju salidarnaści «maładafrontaŭcy» pakul nie źbirajucca.
Łukašenka ŭpieršyniu źjaviŭsia na publicy razam z mamaj Koli37
Kamientary