Padčas pres-kanfierencyi «Hałasavańnie za mirny vychad z kryzisu šlacham pieramovaŭ» adbyłasia pikiroŭka miž lidaram apazicyi Śviatłanaj Cichanoŭskaj i palitołaham Paŭłam Usavym, jaki na hetym mierapryjemstvie pradstaŭlaŭ NAU Paŭła Łatuški.
Usaŭ skazaŭ, što NAU ŭdzielničaje ŭ prasoŭvańni i padtrymcy inicyjatyvy, ale maje niekalki «praktyčnych dadatkaŭ».
«Nieabchodna pradumać i raspracavać stratehiju, jakaja była b jasnaja dla bolšaści biełarusaŭ, jakija prymajuć udzieł u hałasavańni.
Pieršaje: jakim čynam ździejśnić cisk na Łukašenku, prymusić pajści jaho na pieramovy. Vybary 2020 hoda pakazali, što hetaja asoba nie źbirajecca ŭdzielničać ni ŭ jakich pieramovach i całkam ihnaruje volu biełaruskaha naroda. Kab biełarusy viedali, što im patrebna rabić u vypadku, kali ŭłada ich praihnaruje.
Druhi momant: nieabchodnaść nabrać jaŭnuju pieravahu na płatformie «Hołas». U pracesie hałasavańnia pavinny ŭdzielničać bolšaść ź biełarusaŭ, jakija majuć vybarčaje prava, z metaj, kab:
a) paćvierdzić poŭnuju lehitymnaść Śviatłany Cichanoŭskaj jak lidara biełaruskaha naroda i de-fakta jak prezidenta, jaki ŭ vypadku transfarmacyi maje ŭsie paŭnamoctvy pryniać na siabie prezidentctva; b) kab delehimitavać jašče raz Łukašenku», — skazaŭ Usaŭ.
Na jahonyja słovy adkazała sama Cichanoŭskaja: «Pavieł, vy vielmi dziŭna pastavili pytańnie ab lehimityzacyi i delehimityzacyi.
Biełarusam heta nie patrebna, pytańnie tak nie staić. Ludzi i tak viedajuć, za kaho hałasavali ŭ žniŭni, i viedajuć, što Łukašenka nielehitymny prezident. I kolkaść tych, chto prahałasuje, zusim nie budzie zaležyć ad taho, ci Łukašenka lehitymny. Takija miesiedžy ludziam absalutna nie varta dasyłać. Heta hałasavańnie za mirny vychad z kryzisu».
Pamior dzied Koli Łukašenki — były viazień HUŁAHa, asudžany za dapamohu «banderaŭcam»2
Kamientary