Čas pryjomu ježy praktyčna nie ŭpłyvaje na pachudzieńnie ci nabor vahi — daśledavańnie
Navukoŭcy pryjšli da vysnovy, što pryčyna ŭ inšym.
U vydańni Journal of the American Heart Association apublikavali pracu, jakaja śviedčyć, što najbolš važna ŭličvać padčas pracesu pachudzieńnia. Vialikaja kamanda navukoŭcaŭ pryjšła da vysnovy, što kolkaść kałoryj pieršasnaja, a čas pryjomu ježy maje mała značeńnia, piša mlive.com.
Kab dakazać heta śćvierdžańnie, vučonyja pracavali z 547 udzielnikami daśledavańnia na praciahu šaści miesiacaŭ. Respandenty rehistravali čas, kali jany prymali ježu i spali, a taksama nakolki kałaryjnym byŭ kožny pryjom ježy. Dadatkova vučonyja analizavali danyja vahi i stanu zdaroŭja respandentaŭ za apošnija 10 hadoŭ i paśla nazirańnia za pryjomami ježy.
Isnuje šmat mietadaŭ pachudzieńnia, źviazanych z tym, kali možna jeści. Naprykład, parada nie jeści paśla 18 ci 19 hadzin abo intervalnaje haładańnie, kali ludzi robiać vialikija intervały pamiž apošnim pryjomam ježy siońnia i pieršym pryjomam ježy zaŭtra.
Ale, pavodle navukoŭcaŭ, usio heta nijak nie źviazana sa strataj lišniaj vahi. Ź inšaha boku, varta ŭličvać, jak časta vy jaście: kolkaść vialikich i siarednich pa pamiery pryjomaŭ ježy źviazanaja z naboram vahi, a kolkaść małych pryjomaŭ ježy — ź jaje strataj. Daśledčyki miarkujuć, što kali pamienšyć pramiežak času pamiž abudžeńniem i śniadankam i pavialičyć jaho pamiž viačeraj i zasynańniem, to heta moža paspryjać tamu, što vy budziecie nabirać mienš vahi.
Adnak jość faktar, jaki dakładna spryjaje pachudzieńniu, i heta toje, jak šmat ježy spažyvaje čałaviek. Pavodle daśledavańnia, kali pamienšyć pamier porcyj i ŭ cełym jeści mienš, heta budzie bolš efiektyŭna, čym abmiažoŭvać svajo charčavańnie tym ci inšym časam. Kali čałaviek jeść mienš, heta ŭrešcie pryviadzie da taho, što jamu budzie treba mienš ježy, kab nasycicca, što dazvolić jamu skaracić kałaryjnaść ježy.
Navukova abhruntavanyja stratehii, jakija sapraŭdy dapamohuć vam jeści mienš
U jaki čas dnia lepš za ŭsio zajmacca sportam? I jak biez stresu vypracavać zvyčku
«Pry hetym sportam nie zajmałasia». Biełarusy, jakija raniej važyli bolš za 100 kiłahramaŭ, raskazali, jak chudzieli
Jak skłaŭsia los chłopca ź viadomaha žyćcieśćviardžalnaha fota studenckaha maršu-2020?6
Kamientary
https://d2b0v286pbg9yh.cloudfront.net/308848#startcomments
začiem vy pichajetie svoju koriavuju ,,łatinku,,?
čtoby otvadiť ot łatinki ?
tamu što biełaruskuju łacinku čytać lohka
a vašyja karaŭki nie