Vydaviectva «Pflaŭmbaŭm» vypuściła ŭ druk knihu «Antałohija paetak. Vybranaje Valžynaj Mort». Heta vydańnie ŭžo vychodziła maleńkim proma-nakładam u Bierlinie, dzie jaho prezientavali letam 2022-ha. Ciapier ža nakład dadrukavali i knihu moža nabyć kožny achvotny, paviedamlaje Reform.by.
U zborniku «Antałohija paetak. Vybranaje Valžynaj Mort» sabranyja vieršy XXI stahodździa biełaruskich paetak roznych uzrostaŭ, dośviedaŭ i movaŭ. Ahulny lik paetak idzie na dziasiatki.
«Tut ich abjadnoŭvaje adno: jany padajuć znak čytačam, šukajuć z čytačami kantaktu. Dla kahości — heta sustreča sa starymi znajomymi. Dla inšych — adkryćcio novaj mahčymaści być pačutymi, ubačanymi», — tak apisvaje svoj prajekt vydaviectva ŭ sacyjalnych sietkach i pryznajecca, što heta samaja składanaja ŭ padrychtoŭcy kniha, jakuju davodziłasia rabić.
Układalnicaj knihi stała paetka i ŭniviersiteckaja vykładčyca tvorčaha piśma Valžyna Mort. Ustupnaje słova da zbornika napisała doktarka fiłałahičnych navuk Uljana Vieryna.
Nabyć knihu afłajn pakul možna tolki ŭ Vilni pa nastupnych adrasach:
Kniharnia «Hartajka». Maironio g. 11 (pryvatnaja škoła Stembrydž), Vilnius, Lithuania
Kniharnia «Eureka», Daukanto a. 2 / 10, Vilnius, Lithuania (centr horada, kala pł. Hiedymina).
Zamović anłajn z dastaŭkaj pa ŭsim śviecie možna tut.
Čytajcie taksama:
Vydavieckaja inicyjatyva «Pflaŭmbaŭm» vydała try knižki biełaruskich paetak raniejšych pakaleńniaŭ
Andrej Sańnikaŭ vydaŭ dychtoŭnuju knihu pra turemnuju kuchniu roznych krain
U Minsku źbirajucca vydać dźvie niezvyčajnyja knihi pra Skarynu
Kolki nasamreč ciahnucca pracoŭnyja pajezdki Łukašenki? Cikavyja ličby14
Kamientary