Kamunist Syrankoŭ usimi siłami dakazvaje svaju fiktyŭnaść: pachvaliŭsia, što pastaviŭ podpis za Łukašenku
Kampartyja, jakaja nibyta vystaviła svajho pretendenta, praciahvaje ahitavać za inšaha kandydata.
Pretendent na pasadu prezidenta ad Kampartyi Siarhiej Syrankoŭ vyrašyŭ uklučycca ŭ ahitacyju za svajho niby supiernika — Alaksandra Łukašenku.
Siońnia ŭ Biełarusi pačaŭsia zbor podpisaŭ u padtrymku vyłučeńnia kandydataŭ. Kožnaj ź siami inicyjatyŭnych hrup treba za miesiac sabrać 100 tysiač podpisaŭ.
Kamunisty vyłučyli svajho pretendenta Siarhieja Syrankova, ale jon usimi siłami imkniecca pakazać, što zmahacca za pasadu nie maje namieru. U sacsietkach Kampartyi Syrankoŭ pachvaliŭsia, što paśla mitynhu z nahody 7 listapada pierš za ŭsio pastaviŭ podpis za Łukašenku na pikiecie ŭ HC «Stalica».
«Pierš za ŭsio na pikiet da pieršaha», — havorycca ŭ paviedamleńni KPB.
Nahadajem, paśla padačy dakumientaŭ dla rehistracyi inicyjatyŭnaj hrupy kamunisty zajavili, što iduć na vybary «nie zamiest, a razam z Łukašenkam». I paabiacali ahitavać suprać libieralizacyi ŭ Biełarusi.
Da zboru podpisaŭ dapuścili, akramia Łukašenki, šeść pretendentaŭ. Usie jany dekłarujuć svaju poŭnuju padtrymku Łukašenku.
HUBAZiK pierastaŭ vykładać videa z zatrymanymi. Z dnia, kali da hetaha zaklikaŭ kanał, blizki da Markava6
HUBAZiK pierastaŭ vykładać videa z zatrymanymi. Z dnia, kali da hetaha zaklikaŭ kanał, blizki da Markava
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary