«Novaja Biełaruś» zapuściła prajekt, jak biełarusy vyrašajuć prablemy ź lehalizacyjaj
Prajekt zrabiŭ faktyčna «žyvuju vikipiedyju» biełaruskaha emihranta, pabudavanuju na asabistym dośviedzie lehalizacyi biełarusaŭ i biełarusak u roznych krainach.
Aŭtary prajekta ŭpeŭnienyja, što razam vyrašać ahulnyja prablemy efiektyŭniej i viesialej. Tamu «Novaja Biełaruś» ŭ partniorstvie z «Narodnymi ambasadami» zapuściła prajekt «Usio budzie lehalna» pra lehalizacyju za miažoj paśla zabarony dystancyjna abmianiać biełaruski pašpart i atrymać važnyja daviedki.
Prajekt navažyŭsia zrabić žyvuju vikipiedyju biełaruskaha emihranta, pabudavanuju na asabistym dośviedzie lehalizacyi biełarusaŭ i biełarusak u roznych krainach. Bo na praktycy tearetyčnyja rašeńni časam pracujuć ź niuansami. Ci ŭvohule nie pracujuć abo tak schavanyja, što treba pašukać. Ci ich niama, ale razam možna niešta prydumać.
Tamu płan taki: sabrać u adnym miescy ŭsie łajfchaki, sakreciki, asabistyja historyi i inšaje karysnaje (dy choć «fotapartrety» spahadlivych supracoŭnikaŭ mihracyjnaj słužby) pra toje, jak ciapier možna lehalizavacca ŭ roznych krainach, dzie jość biełarusy i biełaruski. A kali hatovych rašeńniaŭ na hety momant niama, to pasprabavać ich razam inicyjavać. Tym bolš, što «Novaja Biełaruś» stvaryła dla hetaha patrebnyja zručnyja instrumienty.
Jak heta budzie pracavać?
Prajekt isnuje ŭ farmacie supołak u aplikacyi «Novaja Biełaruś». Na pieršym etapie zapuścili supołki pa siami krainach: Polšča, Litva, Hruzija, Čechija, Hiermanija, Niderłandy, Partuhalija. Zatym hety śpis pašyrycca, kali ŭ ludziej budzie taki zapyt. Taksama budzie raspracavany čat dla kansultacyj z ekśpiertami.
U supołkach možna:
- Čytać i dapaŭniać hajdy pa lehalizacyi.
- Dzialicca asabistym dośviedam, jak biełarusy i biełaruski na praktycy atrymlivajuć alternatyŭnyja pašparty i vyrašajuć prablemy z daviedkami.
- Prapanoŭvać supolnaści svaje idei, jak paŭpłyvać na vyrašeńnie prablem, i damaŭlacca pra ich realizacyju.
- Abmiarkoŭvać roznyja rečy ź biełarusami i biełaruskami svajoj krainy ŭ čacie.
A što ŭ vyniku atrymajecca?
Zadača-minimum — stvaryć karysnuju vikipiedyju pa lehalizacyi dla biełaruskaha emihranta.
Zadača-maksimum — dapamahčy biełarusam i biełaruskam stać mocnaj supolnaściu, jakaja zdatnaja ŭpłyvać na vyrašeńnie biełaruskich prablem tam, dzie jana jość.
Jak dałučycca?
Kab dałučycca, spampujcie ci abnavicie aplikacyju «Novaja Biełaruś», zarehistrujciesia abo aŭtaryzujciesia, zajdzicie ŭ raździeł supołak (pravy nižni kut na hałoŭnaj staroncy), znajdzicie svaju krainu i budźcie karysnymi adno adnamu.
Kolki nasamreč ciahnucca pracoŭnyja pajezdki Łukašenki? Cikavyja ličby17
Kamientary
1. Rvieš akupacyjnyja dakumienty z "zakatam nad bałotam" (u kaho znak jakaści Soncapadobnaha na dupie, moža pakinuć).
2. Atrymlivaješ adpaviednyja dakumienty krainy ES, jak asoba, u jakoj niama mižnarodnapryznanaha kiraŭnictva.
3. Žyvieš zhodna z zakanadaŭstvam krainy, jakaja padpisała Rymski Statut i Dekłaracyju Praŭ čałavieka.
Z.Y. Pierastaješ płacić padatki na ŭtrymalńnie bandfarmavańnia, jakoje pa-za zakonam zasieła ŭ mižnarodnapryznanych miežach Biełarusi.
Z.Y. Cikava, jany z bankamatam buduć chadzić klančyć na "try korački chleba" dla AMAPaŭcaŭ?