«Fantan» i zichotkija kielichi źjaviacca ŭzimku kala Pałaca sportu ŭ Minsku
«Fantan», «Kielich» i ŭzorystyja arki — takija novyja kanstrukcyi ŭpryhožać stalicu da navahodnich śviataŭ, raskazaŭ Minsk-navinam načalnik vytvorča-techničnaha adździeła pradpryjemstva «Minharśviatło» Jaŭhien Stasiałovič.
Absalutnaj navinkaj stanuć kampazicyi na placoŭcy la Pałaca sportu, paviedamiŭ Ja. Stasiałovič. Adna — «Kielich» — raźmieścicca na śpiecyjalnych kanstrukcyjach kala sceny.
Inšuju — «Fantan» — paŭśfieru vyšynioj paradku 5 mietraŭ ustalujuć u čašu fantana «Amfiteatr». Jana składajecca z dvuch asnoŭnych elemientaŭ vonkavaha kupała sa 180 śviatłodyjodnych hirland i ŭnutranaj ustaŭki, jakaja źmianiaje koleru pa zadadzienym scenary.
Taksama śpis zichatlivych navinak Minska papoŭniać vosiem uzorystych arak z kvietkavymi matyvami. Jany raźmieściacca ŭ nastupnych miescach:
— vuł. Rusijanava;
— vuł. Kalinoŭskaha;
— park imia M. Paŭłava;
— dźvie ŭ skviery «Palanka», što ŭ rajonie vulicy Karła Libkniechta i praśpiekta Žukava,
— try na ŭvachodnaj alei parku imia Čaluskincaŭ.
Prapahandysty zajavili pra razhrom sietki salidarnaści i aryšt jaje ŭdzielnikaŭ10
Kamientary