«Na abłavach byli zadziejničanyja 174 śledčyja». Pravaabaroncy raskazali padrabiaznaści pra studzieński chapun
9 lutaha pravaabaroncy šerahu arhanizacyj praviali sumiesnuju pres-kanfierencyju, na jakoj raskazali pra masavy pieraśled rodnych palitviaźniaŭ, jaki adbyŭsia naprykancy studzienia. Ahułam na siońniašni dzień viadoma pra 229 čałaviek, jakija zaznali pieraśled za atrymańnie dapamohi. U dačynieńni da 24 zaviedzienyja kryminalnyja spravy, jašče 43 zatrymanyja pa administracyjnych artykułach, piša «Radyjo Svaboda».
Pradstaŭnik pravaabarončaj inicyjatyvy Dissidentby Viačasłaŭ Kasinieraŭ adznačyŭ, što apošnim časam biełaruskaja hramadskaść sutyknułasia z novaj źjavaj — masavyja represii zakranuli svajakoŭ palitźniavolenych i tych ludziej, jakija dapamahali siemjam paciarpiełych.
«Pravaabaroncy zafiksavali nie ŭsie vypadki, my dakładna viedajem pra 229 čałaviek, jakich zatrymali za hetyja dva tydni. Zatrymlivali ludziej pa śpisach Jedastaŭki, sietki hipiermarkietaŭ «Hipa» — pajšli pa siemjach palitźniavolenych», — adznačyŭ Kasinieraŭ.
Pradstaŭnica «Viasny» Jana Hałahan paviedamiła, što dakładna viadoma pra 24 čałavieki, u dačynieńni da jakich zaviedzienyja kryminalnyja spravy, ludzi znachodziacca ŭ statusie padazravanych ci abvinavačanych:
«My viedajem i pra kryminalnyja artykuły, jakija vystaŭlajuć ludziam: 361-1; 361-2; 361-4 — stvareńnie ekstremisckaha farmavańnia abo ŭdzieł u im».
Pa źviestkach pravaabaroncaŭ, jak minimum 43 čałavieki byli zatrymanyja pa administracyjnych artykułach.
«Upieršyniu sudy adbyvalisia pavodle artykuła 24.14 KaAP (parušeńnie paradku vykarystańnia zamiežnaj biazvypłatnaj dapamohi), jaki raniej nikoli nie vykarystoŭvaŭsia ŭ praktycy palityčnaha pieraśledu», — kaža Jana Hałahan.
Pravaabaroncy zapeŭnili, što administracyjnyja pracesy možna abskardžvać i što treba davodzić spravu da kanca.
Pa ich źviestkach, ludzi, jakija trapili pad represii, utrymlivalisia ŭ žudasnych umovach. Na ich čyniŭsia fizičny, maralny cisk, jany byli pazbaŭlenyja telefonaŭ.
«Ludzi prosiać dapamohi, kab źjechać»
Zasnavalnik BySol Andrej Stryžak kaža, što vielmi šmat ludziej źviarnulisia z prośbaj ab evakuacyi.
«Pikavyja značeńni ŭ apošnija dva tydni pavialičylisia ŭ try razy. Ludzi napałochanyja, prosiać dapamohi, kab chutčej źjechać z krainy. Niekatorych užo ŭdałosia evakujavać, chutka buduć ahučanyja imiony, niekatoryja ŭžo ŭ biaśpiecy. Pracy ŭ našych vałancioraŭ ciapier vielmi šmat, bo ataka była vielmi mahutnaja», — zaŭvažyŭ Andrej Stryžak.
Pradstaŭnica fondu «Strana dla žiźni» Volha Zazulinskaja zapeŭniła, što dapamoha palitźniavolenym nie budzie spynienaja. Pravaabaroncy ciapier pierahladajuć pratakoły biaśpieki, bo ŭ raniejšym farmacie pracavać užo nie atrymajecca.
Zasnavalnik ByHelp Alaksiej Lavončyk razhladaje mahčymaść akazvać hrašovuju dapamohu. Jon taksama adznačyŭ, što ataka za haryzantalnuju salidarnaść adbyvajecca pa paŭnočnakarejskim scenary. Meta — zastrašyć ludziej.
«My zapeŭnivajem, što nie spynim dapamohu. Niahledziačy na toje, što istotna vyrasła kolkaść zajavak. Hrošy ŭ nas jość, praciahvajem dapamahać unutry krainy», — kaža Alaksiej Lavončyk.
Kamanda ByHelp pracuje napoŭnicu, nikoha nie aryštavali, nie zatrymali, zapeŭniŭ Alaksiej.
Na abłavach pracavali 174 śledčyja
Pavodle pravaabaroncaŭ, adčuvajecca, što da hetaj apieracyi siłaviki rychtavalisia doŭha.
«Na abłavach byli zadziejničanyja 174 śledčyja. Niekatoryja imiony śledčych viadomyja. Infarmacyju my źbirajem, usie fakty fiksujem», — zaŭvažyła Volha Zazulinskaja.
Čytajcie taksama:
Byłomu palitviaźniu Alaksieju Ramanavu, jaki adbyŭ 15 sutak, sud daŭ čarhovyja
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8181
Kamientary