«U Žodzinie podpisy vyprošvajuć navat u carkvie». Biełarusy raskazali, ci padpisvajucca jany za Łukašenku
Adnyja biełarusy ŭdzielničajuć u zbory podpisaŭ, kab paźbiehnuć prablem, inšyja admaŭlajucca, kab nie być častkaj farsu. Ale ŭsich abjadnoŭvaje adčuvańnie bieskarysnaści i falšyvaści hetaha dziejańnia. Pra heta vydańniu Ex-press.by raskazali i tyja, chto pastaviŭ podpis, i tyja, chto admoviŭsia.
Anton:
«Padpisvaŭ. Na pracy prapanavali — nu jak admovicca? Vakoł usie danosčyki, ni vykazacca, ni navat skryvicca nielha. Načalstva nie prosta paprasiła, a litaralna ŭručyła ručku: «voś, padpišycie». I ŭsio. Hałoŭnaje — nie dumać pra nastupstvy i nie vieryć u hetyja «vybary».
Ksienija:
«Pracuju ŭ škole… Viadoma, padpisała. Jak tut nie padpisać, kali ciabie tak «miła» prosiać ź niepadrobnaj dabrynioj? Chiba možna admovicca? I nijakich iluzij…»
Ihar:
«Nie padpisaŭ, u takija hulni nie hulaju. Zanadta vidavočna: heta nibyta jak vybary, ale nasamreč — prosta cyrk. Lepš trymacca dalej. Pahladzicie sami: akramia Łukašenki ŭ śpisie tolki fryki abo noŭnejmy. Ničoha dobraha nie čakaju. Heta śpiektakl dla Zachadu: maŭlaŭ, hladzicie, u nas demakratyja. Ale, zdajecca, nichto ŭžo nie vieryć».
Alaksandra:
«Nie padpisała. Choć mahła b — z-za instynktu samazachavańnia. Ale nie vieru, što maje podpisy na papiercy niešta źmieniać. Usio heta bolš padobna na fars. Kali na ciabie hladziać, jak na šrubku sistemy, jakaja pavinna zrabić jaje «žyvoj», ja addaju pieravahu zastacca ŭ baku.
U Žodzinie podpisy vyprošvajuć navat u carkvie. U chramie Sierhija Radaniežskaha prosta padčas liturhii podpisy źbiraŭ Michaił Adziniec, staršynia vybarčaj kamisii ŭ 2020 hodzie, dyrektar Centra tvorčaści i turyzmu dla moładzi. Biez soramu i sumleńnia!»
Michaił:
«Nie staŭ padpisvać. I na vybary nie pajdu. Nie vieru ŭ realnuju mahčymaść vybaru ŭ takich umovach. Ščyra kažučy, pałochaje sama ideja padpisvać toje, što zaŭtra moža być vykarystana suprać mianie. Nie chaču peckać ruki. Usio roŭna režymu kaniec».
Śviatłana:
«Prašu brata, jaki žyvie ŭ Biełarusi, padpisacca za Łukašenku, jakoha nienavidžu ŭsimi fibrami dušy. Tolki tamu, što kali pačnucca niepryjemnaści, jaho siamji niama kamu dapamahać. Heta źnievažalna, ale vybaru niama… Sama ad siabie ŭ šoku. Ale mnie zdajecca, tam ciapier tak strašna…»
Hajdukievič śćviardžaje, što sabraŭ 100 tysiač podpisaŭ
Jak u 2020-m viciabčuk vyliŭ viadro vady na zborščykaŭ podpisaŭ za Łukašenku
Łukašenka demanstratyŭna dazvoliŭ, kab jaho sparynh-partnioram dali miesca i čas u dziaržSMI
Atačeńnie Łukašenki śćviardžaje, što za jaho padpisalisia ŭžo paŭtara miljona čałaviek
Praz hvałt, pahrozy i ŭhavory. Jak ideołahi zabiaśpiečvajuć «narodnuju luboŭ» da Łukašenki siarod miedykaŭ
Biełarusaŭ prymušajuć padpisvacca nie tolki za Łukašenku, ale i jaho sparynh-partnioraŭ na vybarach
Bajpoł nazvaŭ imiony mahčymych zabojcaŭ Andreja Zielcara. I zajaviŭ, što siłavika «Nirvanu» zastreliŭ svoj ža6
Kamientary