Nazvanyja pieramožcy premii «Załataja malina» za najhoršyja dasiahnieńni ŭ kiniematohrafie
9 sakavika adbyłosia ŭručeńnie premii «Załataja malina 2024», jakuju pravodziać napiaredadni «Oskara». Sioleta rekardsmienam pa kolkaści ŭznaharod za sumnieŭnyja dasiahnieni ŭ kinaindustryi staŭ chorar «Vini-Puch: Kroŭ i miod». Film zabraŭ adrazu piać «malin» ź dzieviaci — u tym liku ŭ katehoryi «Najhoršy film».
Druhoje miesca pa kolkaści «ŭznaharod» u Miehan Foks — jana nazvana najhoršaj aktrysaj (za «Džoni i Kłajd») i najhoršaj aktrysaj druhoha płana (za rolu ŭ «Niastrymnych 4»). Svaju antypremiju atrymaŭ Silviestr Stałone — jak najhoršy akcior druhoha płana (znoŭ «Niastrymnyja 4»).
Łaŭreaty premii «Załataja malina 2024»
Najhoršy film — «Vini-Puch: Kroŭ i miod»
Najhoršy režysior — Rys Frejk-Uoterfiłd («Vini-Puch: Kroŭ i miod»)
Najhoršy akcior — Džon Vojt («Nieadkładnaja dapamoha»)
Najhoršaja aktrysa — Miehan Foks («Džoni i Kłajd»)
Najhoršy akcior druhoha płana — Silviestr Stałone («Niastrymnyja 4»)
Najhoršaja aktrysa druhoha płana — Miehan Foks («Niastrymnyja 4»)
Najhoršy scenar — «Vini-Puch: Kroŭ i miod»
Najhoršy remejk, sikvieł ci ryp-of — «Vini-Puch: Kroŭ i miod»
Najhoršaja para hierojaŭ — Puch i Piatačok («Vini-Puch: Kroŭ i miod»)
Śpiecyjalnaj uznaharodaj za «vyčyščanuju reputacyju» adznačyli Fren Drešer, kiraŭnika Hildyi akcioraŭ ZŠA — za «bliskučaje kiraŭnictva prafsajuzam padčas praciahłaj zabastoŭki 2023 hoda, jakaja zaviaršyłasia paśpiachova».
«Ja sam usio rabiŭ pravilna». Syn dyjakana paprasiŭ pazbavić vizy dačku hienierała — i trapiŭ u turmu za palityku2
Kamientary