U Biełarusi znoŭ źmianili sistemu finansavańnia dziaržaŭnych teatraŭ. Zroblena heta ŭkazam Łukašenki ad 18 listapada 2024 hoda № 422. Ukaz apublikavany 20 listapada na Nacyjanalnym pravavym partale i ŭstupaje ŭ siłu z 1 studzienia 2025 hoda.
Na hety momant stvareńnie novych pastanovak, praviadzieńnie hastrolaŭ, apłata kamunalnych pasłuh, ekspłuatacyjnych vydatkaŭ i vypłata zarobkaŭ robiacca pa formule «40 na 60» — heta značyć, ź biudžetu na nazvanyja mety moža vydzialacca subsidyja ŭ pamiery nie bolš čym u 1,5 razu bolš, čym faktyčna atrymany dachod teatra.
Pavodle źmienienych praviłaŭ, usio heta budzie ažyćciaŭlacca pa formule «50 na 50» — heta značyć, ź biudžetu na zhadanyja mety moža vydzialacca subsidyja ŭ pamiery nie bolš čym faktyčna atrymany dachod teatra.
Pry hetym zachoŭvajecca dziejnaja i dahetul ahavorka, što pamiery subsidyi nie mohuć być mienšyja za pamier (z ulikam faktyčna atrymanych dachodaŭ teatraŭ), jaki zabiaśpiečvaje rabotnikam minimalny zarobak (uklučajučy ŭznosy FSAN) z ulikam harantyj, praduhledžanych zakanadaŭstvam ab pracy.
Dadatkova dziaržpadtrymka budzie akazvacca na pieryjad praviadzieńnia teatrami ramontnych rabot. Im buduć davacca ŭ biazvypłatnaje karystańnie inšyja pamiaškańni, jakija znachodziacca ŭ dziaržaŭnaj ułasnaści, apłačvacca za košt biudžetu kamunalnyja pasłuhi i transpart, jaki vykarystoŭvajecca dla ažyćciaŭleńnia asnoŭnaj dziejnaści.
Płastyčny teatr «InŽest» straciŭ pamiaškańnie dla repietycyj
Šerahi RTBD praciahvajuć radzieć: sychodzić čarhovy akcior
Z RTBD, jaki hramiać ułady, syšła jašče adna zorka
«Byli tyja, chto pryjechaŭ a 6-j ranicy». Minčuki vystrailisia ŭ vializnuju čarhu, kab nabyć kvitki ŭ teatr
Troch samych zornych akcioraŭ RTBD zvolnili z teatra
Jak za biełaruskimi apazicyjanierami špijoniła madel Onlifans37
Kamientary