Teatr nie mieŭ mahčymaści vystupać u Biełarusi z vosieni 2021 hoda, a ciapier zhubiŭ i miesca dla repietycyj.
Pra heta ŭ svaim fejsbuku paviedamiŭ kiraŭnik teatra Viačasłaŭ Inaziemcaŭ. «Dziakujučy pilnamu MNS», — udakładniŭ jon.
Alternatyŭnaja placoŭka ŭ «InŽesta» na dadzieny momant adsutničaje.
Viasnoj 2021 hoda «InŽest» adśviatkavaŭ svoj jubilej — 40 hod tvorčaj dziejnaści, a ŭžo vosieńniu zhubiŭ mahčymaść vystupać. Tady ž u Minsku apošni raz prajšoŭ Fiestyval płastyčnych i tancavalnych teatraŭ «Płastforma».
Teatr praciahvaŭ vykonvać adukacyjnuju funkcyju ŭvieś hety čas: pry im dziejničała studyja, dzie možna było asvoić psichafizičny treninh płastyčnaha akciora «Tancy Źviaroŭ» (pa aryhinalnaj mietodycy Inaziemcava), taniec buta i šmat inšych nakirunkaŭ u fizičnym teatry.
Płastyčny teatr «InŽest» byŭ stvorany studentami minskaha Instytuta kultury. Heta najstarejšy i adziny biełaruski teatr, jaki pracuje ŭ kirunku sučasnaj pantamimy i tanca buta. «InŽest» na čale sa svaim niaźmiennym lidaram Viačasłavam Inaziemcavym byŭ inicyjataram i arhanizataram fiestyvalaŭ płastyčnych teatraŭ: «Błazan» (1987-1989),— «Ch-Tradycyja» (2001-2002) i «Płastforma» (2013-2021).
Kamientary
nu dyk ža... teatrały MUSiać lubić tolki adnaho aktora
a astatnich... bić