Nazvać dačku Arešnicaj u honar balistyčnaj rakiety chočuć baćki z Tatarstana
Heta budzie piatnaccataje dzicia ŭ šmatdzietnaha baćki. Papiarednija jaho 14 dziaciej — ad roznych žančyn. Arešnica — nie samaje dziŭnaje imia ŭ naščadkaŭ mužčyny.
U hałavy siamji Suchavych z Nabiarežnych Čałnoŭ 14 dziaciej.
Ciapier, jak zajaviŭ šmatdzietny baćka Uładzimir, jany čakajuć 15-je dzicia. Daktary skazali, što budzie dziaŭčynka.
Pa słovach baćkoŭ, jany chočuć nazvać dziaŭčynku Arešnicaj. 21 listapada prezident Rasii Uładzimir Pucin zajaviŭ, što Rasija atakavała Ukrainu rakietaj siaredniaj dalokaści «Arešnik», heta, pavodle jaho słoŭ, unikalnaja i najnoŭšaja rakieta.
Dakładnaje rašeńnie nakont Arešnicy baćki abiacajuć pryniać u bližejšyja paru dzion.
Papiaredniuju dačku, jakaja naradziłasia ŭ listapadzie 2023 hoda, Suchavy nazvali Rasija-Śviatosija-Śviatarosija.
«Čamu Rasija? Tamu, što ja narešcie adčuŭ, što ja žyvu ŭ vydatnaj krainie. My viedali, što da Uładzimira Uładzimiraviča była inšaja kraina. Ciapier pryjšoŭ vydatny čałaviek i pačaŭ dapamahać nam, dapamahać ludziam. My ciapier z honaram nazvali našu dačku Rasija. Rasija Uładzimiraŭna, pa supadzieńni z Uładzimiram Uładzimiravičam.
Heta nie palityčny momant, heta niejkaje supadzieńnie. Rasija — heta asnoŭnaje imia, Śviatosija — śviaščennaja śviataja siła Rasii, śviatoje źziańnie Rasii. A Śviatarosija — heta dadatak, tak atrymałasia. Kali jana vyraście, dla siabie ŭžo vyznačyć toje imia, jakoje joj nieabchodna i jakoje jaje budzie vieści pa žyćci. Heta pryhoža. Ni ŭ jakim razie niama ničoha siektanckaha, relihijnaha, kanfiesijnaha», — skazaŭ jon.
Suchaŭ adznačyŭ, što Rasija naradziłasia praz paŭhoda paśla naradžeńnia chłopčyka pa imieni Pryroda.
Šmatdzietny baćka zajaviŭ, što svajaki i supracoŭniki ZAHSa ździvilisia, ale ŭzradavalisia redkamu imia dziciaci.
«(Svajaki), viedajučy mianie, svojeasablivaha čałavieka, jany zaŭsiody radujucca i kažuć, što ŭ ich uśmieška na tvary, što ŭ Rasii źjaviłasia Rasija, źjaviłasia novaje imia. Naohuł vydatna pastavilisia [u ZAHSie], troški navat z zachapleńniem, sa ździŭleńniem i z radaściu, niečakana», — raskazvaŭ baćka ŭ ŚMI.
Maci ŭ 14 dziaciej Uładzimira roznyja, ale, pa słovach šmatdzietnaha baćki, žyvuć dzieci družna.
«Mamy ŭ ich roznyja, tak atrymałasia ŭ žyćci. Usie jany ščaślivyja. Usim ja dapamahaju, i my žyviom družna. Samamu starejšamu 34 hady, 35 budzie. Maje dzieci Anhielina, Jarasłaŭ, Dabrynia, Anastasija, Śviatasłaŭ, Słavianida, Uładzimir, Piotr, Alaksiej, Alaksandra, Darja. Na žal, imia adnaho dziciaci ja tak i nie daviedaŭsia. Jaho mama žyvie ŭ Kazachstanie, i jon u Kazachstanie žyvie, cudoŭnaje dzicia. Naradziŭsia Pryroda Uładzimiravič, jon ža Roduška, jon ža Rod. I Rasija Uładzimiraŭna», — raspavioŭ jon.
Jak skłaŭsia los chłopca ź viadomaha žyćcieśćviardžalnaha fota studenckaha maršu-2020?6
Kamientary