U Rasii salistku vajskovaha arkiestra aštrafavali na $30 tysiač za sprobu dakazać kaleham, što va Ukrainie hinuć cyvilnyja
Julija Padajnicyna, u jakoj jość svajaki va Ukrainie, sprabavała dakazać, što mirnyja žychary taksama hinuć. U adkaz apanienty nazyvali jaje «banderaŭkaj», jakaja abaraniaje «fašystaŭ».
Borzinski harnizonny vajskovy sud u Zabajkalli aštrafavaŭ na 3 młn rasijskich rubloŭ (30 tysiač dalaraŭ) Juliju Padajnicynu, pryznaŭšy jaje vinavataj pavodle artykuła pra «fejki» pra vojska. Pra heta Miedyjazonie» paviedamili ŭ pres-słužbie suda. Prysud byŭ vyniesieny 9 śniežnia.
Krynica raspaviała, što Padajnicyna słužyła ŭ zvańni małodšaha siaržanta ŭ dysłakavanaj u Borzie častcy 06705. Jana była salistkaj u arkiestry, jaki jeździŭ na pachavańnie vajskoŭcaŭ.
Vyjezdy pachavalnaha arkiestra kaardynavalisia z dapamohaj unutranaj prahramy, u jakoj udzielnikaŭ arkiestra apaviaščali ab nakiravańni, nieabchodnaj formie adzieńnia i składzie ŭdzielnikaŭ. U hetaj sistemie taksama była funkcyja forumu. Abmiarkoŭvajučy čarhovy vyjezd, kalehi pačali spračacca pra toje, ci jość siarod zahinułych u vyniku rasiejskich abstrełaŭ ukraincaŭ cyvilnyja.
Padajnicyna, u jakoj jość svajaki va Ukrainie, sprabavała dakazać, što mirnyja žychary taksama hinuć. U adkaz apanienty nazyvali jaje «banderaŭkaj», jakaja abaraniaje «fašystaŭ». Sprabujučy dakazać svaju racyju, žančyna skinuła surazmoŭcam videa na jutubie, u jakim havaryłasia ab achviarach siarod hramadzianskaha nasielnictva.
Praź niekalki chvilin, uśviadomiŭšy, što za heta joj moža pahražać kryminalnaja adkaznaść abo zvalnieńnie, žančyna vydaliła videa, ale adzin z tavaryšaŭ pa słužbie adnios svoj telefon kontrraźviedčyku pry vajskovaj častcy i raspavioŭ pra zdareńnie.
Videa było adnoŭlena. Pa vynikach daśledčaj pravierki vykładzienuju ŭ im infarmacyju pryznali «fejkavaj».
Na čas śledstva žančyna znachodziłasia pad padpiskaj ab niavyjeździe. U chodzie pasiadžeńniaŭ jana častkova pryznała vinu.
Kamientary
kakaja ironija!!!
začiem dokazyvať čto-to umnstvienno i moralno niepołnociennym?
kak hovoritsia, "siebie dorožie", v priamom i pierienosnom smyśle..
ich nado tolko izolirovať, a samych bujnych likvidirovať.. NIKAKOHO druhoho puti niet... niemcy 20-ho vieka podtvierdiat.
Tiepieŕ jeŝie i s nacistkimi skriepami v baškie. V ich kartinie mira ich malčiki ubivajut złych bandierovciev,a to,čto u mužčiny iz Krivoho Roha oni ubili žienu i triech maleńkich synoviej—tak im choť koł na hołovie tieši..
Užie počti 800 ukrainskich dietok ubili eti ******. Riealno ž nieludi.