Biełaruska pryviezła z Polščy 5 tysiač dalaraŭ. Amal usie akazalisia falšyvymi
Miančuk sprabavaŭ pamianiać u banku čatyry kupiury pa 100 dalaraŭ. Kasirka paličyła ich padazronymi i vyklikała milicyju.
«Mužčyna raspavioŭ, što hrošy ŭ sumie 5 tysiač dalaraŭ u jakaści padarunka atrymała jahonaja žonka ad babuli, kali haściła ŭ jaje ŭ Polščy. Pra toje, što kupiury mohuć być padroblenymi, jany nie zdahadvalisia», — paviedamlaje pres-słužba Dziaržkamiteta sudekśpiertyz.
Kab pravieryć astatnija 46 kupiur, mužčyna pieradaŭ ich u Dziaržkamitet sudekśpiertyz. Ekśpiert paraŭnaŭ ich z kupiurami taho ž naminału i hoda vypusku i znajšoŭ adroźnieńni ŭ kolerapieradačy malunkaŭ i druku tekstu, siarod padoranych byli kupiury biez elemientaŭ abarony, u tym liku vadzianoha znaka.
U Dziaržkamitecie sudekśpiertyz pryjšli da vysnovy, što 39 z 50 banknot niesapraŭdnyja.
Zaviedziena kryminalnaja sprava.
«Joj było vielmi drenna apošnim časam». Znajomyja pra Śviatłanu Krucikavu, jakaja skončyła žyćcio samahubstvam paśla cisku milicyi3
Kamientary