ES vyklučyŭ Piatkievič i Malcava sa śpisu nieŭjaznych

Rada ES rašeńniem ad 31 lipienia źniała sankcyi z 24 biełaruskich čynoŭnikaŭ.

Jak paviedamlajecca ŭ Aficyjnym časopisie Jeŭrasajuza, z sankcyjnych śpisu vyklučanyja nastupnyja hramadzianie (pasady ŭkazany na momant uklučeńnia ŭ pieralik):

Hienadź Niavyhłas (kiraŭnik Administracyi prezidenta);

Natalla Piatkievič (pieršy namieśnik kiraŭnika Administracyi prezidenta);

Anatol Rubinaŭ (namieśnik kiraŭnika Administracyi prezidenta pa pytańniach ŚMI i ideałohii);

Jaŭhien Połudzień (namieśnik ministra ŭnutranych spraŭ);

Leanid Malcaŭ (dziaržsakratar Savieta biaśpieki);

Alaksiej Vasiljeŭ (kiraŭnik Minskaj rehijanalnaj vybarčaj kamisii);

Juryj Prakopaŭ (žurnalist «Pieršaha telekanała»);

Uładzimir Pałujan (ministr pa padatkach i zborach);

Michaił Batura (rektar Biełaruskaha dziaržaŭnaha ŭniviersiteta infarmatyki i radyjoelektroniki);

Hienadź Padhajski (dyrektar Minskaha dziaržaŭnaha politechničnaha kaledža);

Siarhiej Abłamiejka (rektar Biełaruskaha dziaržaŭnaha ŭniviersiteta);

Tamara Ałpiejeva (rektar Mižnarodnaha humanitarna-ekanamičnaha instytuta).

Sankcyi źniatyja taksama z sudździaŭ:

Andreja Baranoŭskaha, Aleny Ananič, Volhi Husakovaj, Mikałaja Bałaŭniova, Aleny Čarniak, Žanny Dubininaj (Roŭda), Natalli Kuźniacovaj, Aleny Łapcievaj, Natalli Mierkul, Lidzii Cielicy, Natalli Varenik, Valanciny Ziańkievič.

U pieršapačatkovy sankcyjny śpis ES uvachodzili čatyry čynoŭniki, jakija, na dumku ES, datyčnyja da źniknieńnia ŭ Biełarusi palitykaŭ u 1999—2000 hadach: Uładzimir Navumaŭ (były ministr unutranych spraŭ), Viktar Šejman (były kiraŭnik Administracyi prezidenta), Juryj Sivakoŭ (u pieryjad źniknieńnia palitykaŭ zajmaŭ pasadu kiraŭnika MUS) i Dźmitryj Paŭličenka (kamandzir bryhady śpiecnaza ŭnutranych vojskaŭ MUS).

Śpis nie raz papaŭniaŭsia. Uvosień 2008 h. dziejańnie sankcyj było prypyniena ŭ dačynieńni da Łukašenki i jašče 35 čynoŭnikaŭ. Paśla žorstkaha razhonu demanstracyi ŭ Minsku na apošnich prezidenckich vybarach 19 śniežnia 2010 hoda i nastupnych represij u dačynieńni da apazicyi ES adnaviŭ dziejańnie sankcyj u dačynieńni da Biełarusi.

• 0
• 0
• 0
• 0
• 0
• 0
• 0
• 0