Krośfit: što heta takoje, jakija abmiežavańni, dzie pazajmacca ŭ Minsku i kolki kaštuje
Krośfit (ad anhł. CrossFit) — trenirovačnaja mietodyka, jakaja kambinuje intensiŭnyja siłavyja i funkcyjanalnyja praktykavańni.
Meta krośfitu — raźvićcio ciahavitaści, siły, hnutkaści, chutkaści i kaardynacyi adnačasova. Śćviardžajecca, što novaja mietodyka daje taksama palapšeńnie pracazdolnaści sardečna-sasudzistaj i dychalnaj sistem, chutkaść adaptacyi da źmieny nahruzak i inš.
U prahramie kambinujucca takija vidy dziejnaści, jak bieh (spryntarskija zabiehi), viesłavańnie (na śpiecyjalnych trenažorach), skački (sa skakałkaj abo na pieraškody), kanat, praca z vahoju (hanteli, hiry, štanha, miech ź piaskom), praktykavańni na kołcach i mnohija inšyja.
Takaja mietodyka dasiažnaja tolki dla ludziej z mocnym zdaroŭjem, bo na treniroŭkach čałaviek atrymlivaje dobryja nahruzki.
Čym admietnaja hetaja trenirovačnaja mietodyka i jakoje treba mieć zdaroŭje, kab joj zajmacca? Na hetyja i inšyja pytańni adkazaŭ krośfit-trenier i adnačasova ŭładalnik krośfit-zały «Dvor» Kanstancin Prudnikaŭ.
Kanstancin — 29-hadovy biełarus, jaki peŭny čas pracavaŭ fitnes-trenieram u Sankt-Pieciarburhu, paŭhoda tamu razam z žonkaj viarnuŭsia ŭ Biełaruś, i ŭ śniežni 2015-ha adkryŭ ułasnuju krośfit-zału ŭ Minsku.
NN: Čamu mienavita krośfit?
KP: Pieršy raz paznajomiŭsia z krośfitam 5 hod tamu. Ja niešta pračytaŭ u internecie, pahladzieŭ spabornictvy pa krośficie i byŭ vielmi ŭražany. Na Crossfit Games ludzi takoje vytvarali. Ja bačyŭ, jak amal usie ŭdzielniki spakojna padymajuć štanhi ŭ 250 kh. Pry hetym jany padciahvalisia, prysiadali — jany vyhladali jak atlety.
Na toj momant ja pracavaŭ u trenažornaj zale ŭ Sankt-Pieciarburhu, pačaŭ pryhladacca da hetaha vidu sportu, pasprabavaŭ treniroŭku ŭ krośfitaŭskim styli: 5 padciahvańniaŭ, 10 adciskańniaŭ, 15 prysiadańniaŭ. Heta adzin kruh. Zadača była vykanać maksimalnuju kolkaść kruhoŭ za 20 chvilin. U vyniku ja paŭdzielničaŭ u niekalkich spabornictvach pa krośficie, paśla atrymaŭ siertyfikat jak trenier pa krośficie.
Ja zrazumieŭ, što krośfit asabista dla mianie najlepšy vid sportu.
Zvyčajna, kali ty zajmaješsia niejkim adzinym kirunkam, u ciabie jość peŭnyja pierakosy. Naprykład, kali ty zajmaješsia johaj, to, jak praviła, u ciabie jość prablemy z ahulnaj siłaj, zajmaješsia ŭ trenažorcy — jość prabieł pa ciahavitaści i z hnutkaściu. Krośfit ža raźvivaje ŭsie siehmienty tvajho arhanizma: siła, ciahavitaść, hnutkaść.
I tut nie sumna, bo zajmajucca ludzi ŭ hrupach, vialikaja kolkaść praktykavańniaŭ na roznyja častki cieła. Treba zrazumieć adzinuju reč — niemahčyma navučycca ŭsiamu idealna.
Adnaznačny plus krośfitu ŭ tym, što jon adkryvaje ciabie z roznych bakoŭ. Adnačasova raźvivajučy roznyja ciahlicy i spartovyja jakaści, vy ŭstalujecie bałans svajho cieła. Na krośfit ty prychodziš na treniroŭku i na tusoŭku.
Ciapier krośfit stanovicca papularnym. Chutčej za ŭsio, heta z-za bazavaj mety luboha vidu trenirovak — pryvieści siabie ŭ formu. Kompleks praktykavańniaŭ u krośficie dazvalaje zbałansavać nahruzku pamiž usimi častkami cieła. Bo jość ludzi, jakija prychodzić u kačałku i pačynajuć ciahać žaleza bieśpierapynna ŭ nadziei napampavać, naprykład, bicepsy. Realnaja ich efiektyŭnaść vielmi nizkaja, a z-za taho, što jany nie karystajucca pasłuhami treniera, jany pavialičvajuć ryzyku atrymańnia traŭmy. U hetym sensie krośfit biez treniera niemahčymy. Jość ludzi, jakija sočać za praktykavańniami dla krośfitu ŭ internecie, ale zvyčajna jany bolš hubiać svajo zdaroŭje z-za niapravilnaha ich vykanańnia.
U krośficie istotnyja charčavańnie i rehularnyja treniroŭki z trenieram, pažadana 3 razy na tydzień. Pry takim tempie praź miesiac vy adčujecie vynik pa samaadčuvańni, a prykładna praz try miesiacy vynik zaŭvažać vašyja znajomyja i siabry.
Jość vialikaja kolkaść ludziej, jakija iduć na fitnes z metaj pryvieści siabie ŭ paradak, ale nie vytrymlivajuć paśla dvuch tydniaŭ. Voś hetyja
pieršyja dva tydni trenirovak — krytyčny momant.
Kali čałaviek jaho vytrymaje, to nadalej jon budzie praciahvać zajmacca. Paśla dvuch miesiacaŭ rehularnych trenirovak heta ŭžo vojdzie ŭ zvyčku.
NN: Jakija abmiežavańni pa zdaroŭi dla zaniatkaŭ krośfitam?
KP: U ideale ty pavinien być całkam zdarovy, kab vykonvać usie praktykavańni, jakija ŭvachodziać u treniroŭku.
Pieršaje, što ja pytajusia, kali čałaviek prychodzić na treniroŭku — heta jaho abmiežavańni.
Samyja niebiaśpiečnyja ź ich dla krośfitu — śpina, hryžy, kaleni i serca. Kali ŭ ciabie skalijoz 2—4 stupieni, padymać ciažary vielmi składana, bo možna atrymać hryžu i.h.d. Jak fitnes-trenier, mahu skazać, što jakija b abmiežavańni ni byli — treba prajści kurs reabilitacyi. Heta ciažki praces, jon moža zaniać ad troch miescaŭ da hoda ci navat bolej, bo ŭsio zaležyć ad stupieni traŭmavanaści.
Z hryžami dvajaki momant — šmat chto kaža, što nielha padymać žaleza, kali ŭ ciabie hryža. Heta nie zusim tak.
Tvaja zadača — umacavać śpinu, usie praktykavańni rabić ź idealnaj śpinoj, zachoŭvać usie svaje naturalnyja prahiby. Heta možna zrabić praz karsiet, ŁFK, umieranyja zaniatki z abciažarvańniem, płavańnie ŭ basiejnie. Tolki tady śpina pierastanie ciabie turbavać. Z kaleniami treba znoŭ taki aptymizavać nahruzku, jakuju ty daješ, i pravilna vykonvać praktykavańni.
Krośfit zbolšaha pabudavany na vynoślivaści, tamu da prablem serca treba ŭvažliva stavicca.
Ja zaŭsiody kažu navat zdarovym ludziam: nie treba zahaniać siabie da samaha vysokaha pulsu — heta nikomu ničoha dobraha nie daść.
Puls vyšejšy za 170 — spabornicki, dla zvyčajnaj treniroŭki chapaje pulsu i da 160.
Časam karysna vykładvacca na sto adsotkaŭ, ale nie kožny raz.
NN: Ci mahčyma z nulavoj fizičnaj padrychtoŭkaj pačać zajmacca krośfitam?
KP: Viadoma. Takich ludiej siarod tych, chto prychodzić zajmacca, bolš za pałovu. Zrazumieła, što čym bolej raniej prysutničała sportu ŭ tvaim žyćci, tym lepš budzie zajmacca ciapier. Kali ty prychodziš, a raniej nikoli nie zajmaŭsia nijakim sportam i ŭ ciabie było vyzvaleńnie pa fizkultury, i ty siadzieŭ na łavačcy — zaraz budzie vielmi ciažka ŭsio heta padciahnuć. Prosta pryjdziecca farmiravać tuju fizičnuju formu, jakuju treba było mieć u 10—12 hod. Tamu ludzi časta prychodziać i kažuć — ja chaču napampavać svajo cieła za miesiac. Treba zrazumieć, što na ŭsio treba čas.
U Minsku jość 6 załaŭ, pryznačanych dla krośfitu.
SPORTFIT (vuł. Surhanava, 2)
Jość asobnaja zała dla zaniaćcia krośfitam. Jość praktykavanii dla raźvićcia ciahavitaści i stojkaści, siły, reakcyi i kaardynacyi, sprytnaści (dakładnaść, akuratnaść, bałans), chutkaść i hnutkaść.
RASKŁAD:
Zaležyć ad numara vašaj hrupy
CENY:
- Razavaje naviedvańnie, navučalny zaniatak — 170 tysiač,
- Adzin indyvidualny zaniatak z trenieram — 185 tysiač.
- 12 zaniatkaŭ + bonus (14 zaniatkaŭ) — 1 380 000.
REFORMA (pr-t Puškina, 68)
Jak napisana na sajcie Reforma, što tyčycca krośfitu, na pieršych treniroŭkach asablivaja ŭvaha nadajecca technicy vykanańnia praktykavańniaŭ, asvojvajucca bazavyja kompleksy praktykavańniaŭ ź ciažkaj atletyki i himnastyki. Z pastupovym pavieličeńniem uzroŭniu padrychtoŭki atletaŭ pavialičvajecca intensiŭnaść i raznastajnaść trenirovak.
RASKŁAD:
- Paniadziełak, sierada, piatnica 8:00—9:00, 9:00—10:00, 18:00—19:00, 19:00—20:00, 20:00—21:00
- Aŭtorak, čaćvier 18:00—19:00, 19:00—20:00, subota 12:30—13: 30
- Lady Crossfit: aŭtorak, čaćvier 8:00—9:00, 9:00—10:00, subbota 13:30-14:30
CENY:
- 8 trenirovak u miesiac — 750 000
- 12 trenirovak u miesiac — 990 000
- Razavaje naviedvańnie — 120 000
KATOŬSKI (vuł. Adeskaja, 14)
Jość asobnaja zała dla krośfitu.
RASKŁAD:
- Z 9:00 da 16:00
- 16:00 da 22:00
CENY:
z 9.00 da 16.00
- razavaje naviedvańnie — 50 000
- abaniemient 8 naviedvańniaŭ — 350 000
- abaniemient 12 naviedvańniaŭ — 500 000
- abaniemient bieźlimitny — 600 000
z 16.00 da 22.00
- razavaje naviedvańnie — 60 000
- abaniemient 8 naviedvańniaŭ — 400 000
- abaniemient 12 naviedvańniaŭ — 600 000
- abaniemient bieźlimitny — 700 000
VOŁAT (vuł. Pieradavaja, 6)
Zaniatki prachodziać u ranišni i viačerni čas.
RASKŁAD:
- Hrupa №1: paniadziełak, sierada, piatnica — 19.35—20.35.
- Hrupa №2: paniadziełak, sierada, piatnica — 18.30—19.30.
- Hrupa №3: sierada, piatnica — 09.00—10.15, niadziela 13.30 — 14.45.
- Hrupa №4 — aŭtorak, čaćvier-19.00—20.00, subota-12.00—13.00
- Hrupa №5 (sacyjalnaja) — paniadziełak, srieda, piatnica — 17.30—18.30.
CENY:
U zaležnaści ad hrupy.
Kłub pa boksu «VOLAT» (vuł. Słavinskaja 1, korpus 3)
Samaja novaja zała dla zaniatkaŭ krośfitam. Pakul jašče pamiaškańnie pierabudovajecca pad krośfit i boks, ale zapisacca možna ŭžo siońnia. Zaniatki prachodziać u zale adzinaborstvaŭ.
RASKŁAD:
Dzionnyja, ranišnija i viečarovyja hrupy. Zaniatki prachodziać u aŭtorki, čaćviarhi i niadzieli.
CENY:
Abaniemient na 12 zaniatkaŭ — 500 tysiač
POISON (vuł. Daŭhabrodskaja, 43)
Śpiecyjalizavanaja zała dla zaniatkaŭ krośfitam.
RASKŁAD:
U zaležnaści ad hrupy.
CENY:
Pieršy zaniatak — biaspłatna
Bazavy kurs trenirovak, 6 ŭvodnych zaniatkaŭ — 580 000
Abaniemient na 8 zaniatkaŭ — 680 000
Abaniemient na 12 zaniatkaŭ — 970 000
Bieźlimit na ranišnija hrupy (08:00 i 9:30) — 750 000
Bieźlimit na inšyja hrupy — 1 270 000
Bieźlimit na 3 miesiacy — 3 500 000
DVOR (Kastryčnickaja, 16)
Śpiecyjalizavanaja zała dla zaniatkaŭ krośfitam.
RASKŁAD:
Padbirajecca zručny dla vas čas.
CENY:
- Razavy zaniatak — 120 000
- 8 zaniatkaŭ — 700 000
- 12 zaniatkaŭ — 900 000
- Bieźlimitny abaniemient — 1 200 000
Kamientary