5 listapada — prezientacyja žyćciapisu aŭtara pieršaj knihi pad nazvaj «Biełaruś»
Dom-muziej Vańkovičaŭ (Minsk, vuł. Internacyjanalnaja, 33a). Pačatak a 18.30. Uvachod volny.
Kniha Ludmiły Chmialnickaj «Los insurhienta: Dakumientalnaja apovieść ab Alaksandru Rypinskim i jahonym časie» — heta bijahrafija adnaho z vybitnych dziejačaŭ polska-biełaruskaha kulturnaha pamiežža, udzielnika paŭstańnia 1830—1831 hh., paeta i adnaho ź pieršych biełaruskich fatohrafaŭ.
Jana vyjšła ŭ sieryi «Naša XIX stahodździe» vydaviectva «Limaryus» pry padtrymcy Polskaha Instytuta ŭ Minsku.
«Vyvučeńnie biełaruskaha falkłoru, zaachvočanaje luboŭju da movy i naroda, siarod jakoha ros, a taksama ŭłasnyja litaraturnyja tvory, napisanyja na rodnaj jamu polskaj movie, robiać tvorčaść A. Rypinskaha zdabytkam adrazu dźviuch słavianskich litaratur — polskaj i biełaruskaj. Jašče z maładych hadoŭ A. Rypinski žyŭ tolki ŭ adpaviednaści z ułasnymi ŭjaŭleńniami pra honar i abaviazak. Jaho pieraśledavali ŭłady carskaj Rasii, i jon byŭ vymušany pakinuć miescy, dzie naradziŭsia. Raptoŭnyja raźvitańni ź siabrami i blizkimi, surovaje žyćcio emihranta, jakoje prymušała da pierajezdaŭ z krainy ŭ krainu, da niečakanaj źmieny dziejnaści, razumiełasia nie ŭsimi navat u jaho atačeńni…», - adznačaje aŭtarka.
Dakumientalnaja apovieść viciebskaj daśledčycy Ludmiły Chmialnickaj zasnavana na archiŭnych materyjałach. Siarod hierojaŭ hetaj knihi taksama paety Adam Mickievič i Vilhielm Kiuchielbiekier, palityki Adam Ježy Čartaryjski i Andžej Taviański, impieratary i ministry, dypłamaty i vajskoŭcy.
U knizie apisvajecca žyćciovy šlach Alaksandra Rypinskaha ad navučańnia ŭ Viciebskaj bazyljanskaj himnazii da žyćcia ŭ emihracyi i viartańnia na radzimu, pradstaŭlajecca ahlad drukavanaj i niavydadzienaj tvorčaj spadčyny. Upieršyniu padrabiazna razhladajucca apošnija hady žyćcia, padajucca data śmierci i miesca pachavańnia.
Alaksandr Rypinski, aŭtar pieršaj knihi pad nazvaj «Biełaruś» («Białoruś»), viartajecca na radzimu.
U prezientacyi biaruć udzieł Ludmiła Chmialnickaja, historyk kultury, aŭtarka knihi; litaraturaznaŭca Iryna Bahdanovič, historyk Dźmitryj Matviejčyk, piśmieńnik Siamion Bukčyn.
Maderatar — litaraturaznaŭca Alaksandr Fiaduta.
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary