Hramadstva

Chatniaja chimija i realnaje pakarańnie: vynieśli prysud za nadpis na miescy hibieli Tarajkoŭskaha na Puškinskaj

U sudzie Frunzienskaha rajona vynieśli prysud 25-hadovaj Maryi Babovič i 26-hadovamu Maksimu Paŭluščyku, jakija napisali na tratuarnaj plitcy «Nie zabubiem» (miełasia na ŭvazie «Nie zabudziem»). Pieršuju prysudzili da «chatniaj chimii», druhoha — da pazbaŭleńnia voli, piša Tut.by.

Sudździa Julija Bliźniuk pastanaviła pryznać vinavatymi Paŭluščyka i Babovič pa č. 2 art. 339 KK i pryznačyć pakarańnie Paŭluščyku ŭ vyhladzie pazbaŭleńnia voli na dva hady ŭ kałonii ahulnaha režymu, Babovič — paŭtara hoda «chatniaj chimii», jana budzie vyzvalenaja z-pad varty pad padpisku ab niavyjeździe i naležnych pavodzinach.

Nahadajem, mienavita takoje pakarańnie dla ich i patrabavaŭ bok dziaržabvinavačańnia.

Maryja Babovič raniej nie sudzimaja. Maksim Paŭluščyk raniej byŭ sudzimy pa art. 339, pakarańnie adbyŭ. Abodvuch pravaabaroncy pryznali palitviaźniami.

Nahadajem, u sudzie «Harramaŭtadar» ahučyŭ faktyčnuju sumu škody — usiaho 211 rubloŭ (zamiest 7,5 tysiačy, pra jakija zajaŭlali raniej). U suviazi z hetym na sudovym pracesie z Babovič i Paŭluščyk źniali abvinavačvańnie pavodle č. 2 art. 218 (naŭmysnyja źniščeńnie albo paškodžańnie majomaści). Taksama vyśvietliłasia, što nadpisy nie byli cyničnymi.

Na apošnim słovie Maksim Paŭluščyk vystupiŭ emacyjna, nie strymlivajučy śloz. Vybačyŭsia pierad sudom i svajakami, skazaŭ, što jamu soramna za ŭčynak, jon raskajvajecca i paprasiŭ dać jamu šaniec u vyhladzie maksimalnaha terminu «chatniaj chimii», kab być z rodnymi. Paŭluščyk paabiacaŭ vypravicca. Taksama abvinavačany źviarnuŭsia da svajoj ciažarnaj dziaŭčyny: «My abaviazkova raśpišamsia».

Maryja Babovič była łakaničnaja, skazała, što raskajvajecca i škaduje ab zroblenym, prosić nie abmiažoŭvać jaje svabodu. Maryja raniej nie sudzimaja, tamu jana prasiła «dać šaniec stać na šlach praŭdzivy i dać prava na pamyłku».

Advakat Paŭluščyka Alaksandr Fiłanovič nastojvaŭ, što spažyvieckija ŭłaścivaści plitki nie źmianilisia — jana zastałasia na miescy, pa joj usio taksama možna chadzić, a pravodzilisia tolki raboty pa ŭborcy.

— Zvyčajny čałaviek, jaki maluje «Ja lublu Śvietu» — jon ździajśniaje chulihanskija dziejańni? Maksimum pa jakim artykule možna kvalifikavać hetu spravu — heta 17.1 KoAP (drobnaje chulihanstva).

Advakat skazaŭ, što ŭ dziejańniach Paŭluščyka niama kryminalnaha złačynstva, što nieabchodna prytrymlivacca pryncypaŭ humanizmu i suraźmiernaści złačynstva.

— Ja razumieju,što ŭ nas 0,2% apraŭdalnych prysudaŭ, ale ja prašu sud apraŭdać majho padabaronnaha pavodle č. 2 art. I nie pazbaŭlać jaho voli, — skazaŭ Fiłanovič.

Advakat Babovič Andrej Mačałaŭ prasiŭ apraŭdać dziaŭčynu pa č. 2 art.339 KK RB i rastłumačyŭ, što ŭ dziejańniach dziaŭčyny niama chulihanskaha matyvu, a fraza «Nie zabudziem» maje pramoje dačynieńnie da palityčnych padziejaŭ u krainie.

Maładyja ludzi nie byli znajomyja adno z adnym. Paŭluščyk padyšoŭ da Babovič na vulicy, kali jana nanosiła nadpis kala miemaryjała Tarajkoŭskamu i paprasiŭ pendzal, kab skončyć frazu.

Nahadajem, 10 žniŭnia padčas pratestaŭ zahinuŭ Alaksandr Tarajkoŭski. Heta adbyłosia kala stancyi mietro «Puškinskaja». Paśla hetaha kala stancyi raz-poraz źjaŭlaŭsia stychijny miemaryjał z nadpisam «Nie zabudziem» na tratuary. Kamunalniki pieryjadyčna pasypali hetuju i inšuju nadpisy techničnaj sollu, ale nadpis źjaŭlaŭsia znoŭ.

Kamientary

60-hadovy mužčyna, jaki ŭ 2020-m naziraŭ za vybarami z taburetki praź binokl, paśla advajavaŭ dva hady va Ukrainie5

60-hadovy mužčyna, jaki ŭ 2020-m naziraŭ za vybarami z taburetki praź binokl, paśla advajavaŭ dva hady va Ukrainie

Usie naviny →
Usie naviny

Studentaŭ, jakija viartajucca na kanikuły z-za miažy, apytvajuć na hranicy siłaviki3

Padborka kaladnych desiertaŭ: cytrusy ŭ šakaładzie, «śniežnyja» kapkiejki i mandarynavaja pana-kota4

Na śviecie źjaviłasia jašče adna kraina doŭhažycharoŭ. Što heta za kraina?

Cyrulnica z-pad Bresta stvaryła cudoŭny vobraz klijentcy. Jaje abvinavacili ŭ spryjańni ŁHBT8

U Hiermanii spynili biełaruskuju mašynu, jakaja ŭraziła miascovuju palicyju9

Kiraŭnika partyi «Zialonyja» asudzili na 6 hadoŭ kałonii3

«Nichto z kiraŭnictva ź im nie spračajecca». Jakija byłyja siłaviki absieli kiraŭničyja pasady bujnych biełaruskich pradpryjemstvaŭ7

U Mižziemnym mory zatanuła rasijskaje sudna, jakoje išło ŭ Siryju1

55 hadzin na mašynie i da 100 jeŭra za padsadku ŭ aŭtobus. Piekła na ŭjeździe ŭ Biełaruś z Polščy9

bolš čytanych navin
bolš łajkanych navin

60-hadovy mužčyna, jaki ŭ 2020-m naziraŭ za vybarami z taburetki praź binokl, paśla advajavaŭ dva hady va Ukrainie5

60-hadovy mužčyna, jaki ŭ 2020-m naziraŭ za vybarami z taburetki praź binokl, paśla advajavaŭ dva hady va Ukrainie

Hałoŭnaje
Usie naviny →