Jak ni paradksalna, ale kali vy chočacie dasiahać bolš, to treba znachodzić čas, kab ničoha nie rabić.
Niekatoryja ludzi časta imknucca skarystać kožnuju siekundu žyćcia, kab być maksimalna praduktyŭnymi. Navat prosta hladzieć u akno abo čakać, pakul zakipić čajnik, dla ich nieprymalna. Adnak jak pakazvajuć niejrabijałahičnyja daśledavańni, mozh vykarystoŭvaje hetyja svabodnyja pieryjady dla adnaŭleńnia i pierazahruzki.
Navat karotkačasovyja pierapynki dapamahajuć mozhu palepšyć zdolnaść da navučańnia i pavialičyć praduktyŭnaść. Najlepšy sposab uziać pierapynak dla mozhu — zrabić štości biessensoŭnaje, piša The Wall Street Journal.
Adpačynak źjaŭlajecca adnym z najbolš važnych sposabaŭ pavyšeńnia kahnityŭnaj hibkaści. Tamu varta pazbaŭlacca ad pačućcia viny za štodzionny adpačynak.
Kab rassłabicca i dazvolić sabie ničoha nie rabić, varta pačać sa znajomych dziejańniaŭ. Voś niekalki prykładaŭ.
Prahulajciesia ŭ adzinocie
Pakińcie vaš telefon doma i praviadzicie hadzinu na śviežym pavietry. Heta daje mnostva jak i fizičnych, tak i razumovych pieravah. Adnak nie varta stavić metu, naprykład, prajści 10 tysiač krokaŭ. Treba atrymać asałodu ad prahułki, a nie pieratvarać jaje ŭ honku.
Daŭžej prymicie duš
Najlepšy šlach pačać bolš zapavolvacca i davać mozhu adpačynak — krychu źmianić pryvyčku, jakaja stabilna prysutničaje ŭ vašym hrafiku. Heta moža stać daŭžejšaje pryniaćcie duša, što dapamoža vam rassłabicca i zaspakoicca.
Hulajcie bieź viadzieńnia liku
Viadzieńnie liku padčas hulni prymušaje vaš mozh napružvacca. Tamu lepš vybirać hulni, u jakich nie važny kančatkovy vynik.
Pryhatujcie štości smačnaje
Praces pryhatavańnia ježy moža taksama dapamahčy mozhu adpačnuć i adnavicca. Adnak nie treba imknucca stvaryć kulinarny šedeŭr, kab apraŭdać vydatkavany čas. Sens u tym, kab atrymać asałodu mienavita ad pracesu, tamu vybirajcie prostyja recepty.
Pasprabujcie krychu paspać
Kali ŭ vas prablemy z načnym adpačynkam, to maje sens pasprabavać karotki dzionny son na praciahu 15-20 chvilin. Heta pavyšaje matyvacyju, pracazdolnaść i nastroj.
Vyjšła na svabodu Antanina Kanavałava, davieranaja asoba Cichanoŭskaj u 2020 hodzie1
Kamientary