Sikorski: Jak avijakampanija moža adroźnić mihranta ad niemihranta? Jak my možam jamu zabaranić?
Dyrektar departamienta avijacyi Arciom Sikorski vykazaŭsia pra mahčymaść uviadzieńnia sankcyj suprać «Biełavija» praz sadziejničańnie praniknieńniu nielehalnych mihrantaŭ na terytoryju ES.
«Uźnikła tema abvinavacić «Biełavija» ŭ arhanizacyi mihracyjnych patokaŭ. My niekalki razoŭ adznačali, što «Biełavija» nikoli nie vykonvała paloty pa tych napramkach, u jakich nas abvinavačvajuć. Prosta vydumlajecca niejkaja dzič, inšaha słova navat padabrać nie mahu. Nas abvinavačvajuć, što my pavialičyli kolkaść rejsaŭ u Turcyju.
Davajcie heta razhledzim, čamu heta adbyłosia. Kali vy lasnuli hetaj žaleznaj zasłonaj, ludzi palacieli praz Turcyju, kab dabracca niejak u hetuju Jeŭropu. U nas usio vyrazna raśpisana, chto na hetych bartach lotaje. Pryjazdžajcie, pahladzicie, my hatovyja dać vam usiu infarmacyju.
Druhi momant. Jak avijakampanija moža adroźnić mihranta ad niemihranta? Čałaviek kuplaje bilet — na padstavie čaho my možam jamu zabaranić pieralot? Bo my tady źviarnulisia da našych jeŭrapiejskich partnioraŭ: apublikujcie pieralik krain, nacyj, nacyjanalnaściaŭ, vieravyznańniaŭ — pa luboj prykmiecie. Skažycie, hetyja ludzi nie mohuć karystacca pavietranym transpartam», — skazaŭ biełaruski čynoŭnik.
Vyjšła na svabodu Antanina Kanavałava, davieranaja asoba Cichanoŭskaj u 2020 hodzie1
Kamientary