Valfovič nazvaŭ padziei ŭ Bučy pastanoŭkaj, raspaŭsiudžvaje fejk rasijskaj prapahandy
Dziaržsakratar Rady biaśpieki Biełarusi Alaksandr Valfovič nazvaŭ «fejkavaj situacyjaj» videaśviedčańni hibieli mirnych žycharoŭ va ŭkrainskim horadzie Buča.
Svaim mierkavańniem nakont trahiedyi ŭ Bučy Alaksandr Valfovič padzialiŭsia z supracoŭnikami telekanała «Biełaruś 1» paśla sustrečy z aktyvam Smarhonskaha rajona, piša Zerkalo.io.
«Toje, što adbyłosia ŭ nasielenym punkcie Buča … Vidać, kali fejkavaja situacyja, kali nibyta zabity na darozie — u lusterka vidać — ustaje i sychodzić z darohi», — skazaŭ dziaržsakratar.
U svaim kamientary Valfovič spasyłajecca na repost, jaki źjaviŭsia ŭ aficyjnym telehram-kanale Minabarony RF u adkaz na šmatlikija fatahrafii zabitych mirnych žycharoŭ Bučy. U paście raźmiaščałasia videa nizkaj jakaści z takim tekstam:
«Videa ź ciełami (u Bučy) vyklikaje ździŭleńnie: tut na 12 siekundzie «trup» sprava ruchaje rukoj. Na 30 siekundzie ŭ lusterku zadniaha vidu «trup» siadaje».
Žurnalist «Miedyjazony» Maksim Litaŭryn paźniej apublikavaŭ toje ž videa ŭ dobraj jakaści, jakoje dakazvaje, što nijakaha «varušeńnia rukoj «na videa nie było, a trup, jaki ŭstaje» — heta efiekt skažeńnia ŭ lusterku zadniaha vidu.
Minabarony Vialikabrytanii paćvierdziła, što cieły ŭkrainskich mirnych žycharoŭ jak minimum 10 dzion pralažali na vulicach Bučy da taho, jak rasijskija vojski syšli z horada.
Jak minimum 8 ciełaŭ byli identyfikavanyja na spadarožnikavych zdymkach ad 21 sakavika.
Ukraina pačała rasśledavańnie vajennych złačynstvaŭ u Bučy, paśla taho jak jaje pakinuli rasijskija vajskoŭcy. U horadzie było vyjaŭlena mnostva ciełaŭ zahinułych mirnych žycharoŭ, niekalki dziesiatkaŭ ź ich lažali prosta na vulicy.
Bajpoł nazvaŭ imiony mahčymych zabojcaŭ Andreja Zielcara. I zajaviŭ, što siłavika «Nirvanu» zastreliŭ svoj ža6
Kamientary