Što takoje tejhłach i jak jaho hatujuć? Siamiejny recept na vychadnyja
Hety tradycyjny jaŭrejski łasunak, šaryki ŭ miodzie, raniej šmat chto hatavaŭ doma. Heta strava vartaja taho, kab jaje asvoić!
Žycharka Viciebska Ała Uśviatcava padzialiłasia fota siamiejnaha recepta. My jaho pierapisali.
Ciesta:
5 jajek, 1 stałovaja łyžka harełki, 1 stałovaja łyžka aleju, 3—3,5 šklanki muki, u zaležnaści ad vieličyni jajek.
Vymiesić ciesta, raskačać kaŭbaski, razrezać na kavałački i skrucić nievialikija šaryki. 30—40 chvilin patrymać ich na stale.
150 hramaŭ štučnaha miodu, 2 šklanki cukru, 3 šklanki vady davieści da kipieńnia, apuścić tudy šaryki, źmiašać i varyć 15 chvilin na nievialikim ahni pry zakrytym viečku, kab nie vychodziła para.
Potym adkryć viečka, varyć pamiešvajučy, pakul nie vyparycca ŭsia vadkaść i šaryki nie stanuć karyčnievymi.
Zatym vykłaści na zmočanuju vadoj došku, razraŭnavać mokraj rukoj, dać astyć, narezać na kavałački. Možna pasypać arechami, cukrovaj pudraj, makam — kamu jak daspadoby.
Pamior dzied Koli Łukašenki — były viazień HUŁAHa, asudžany za dapamohu «banderaŭcam»7
Kamientary