Pačaŭsia sud nad fiłosafam i stvaralnikam «Latučaha ŭniviersiteta» Uładzimiram Mackievičam
U Minskim haradskim sudzie 9 červienia pačaŭsia sud nad fiłosafam, stvaralnikam «Latučaha ŭniviersiteta» Uładzimiram Mackievičam. Pasiadžeńnie prachodzić u zakrytym režymie, piša «Viasna».
Jaho abvinavačvajuć adrazu pa troch artykułach Kryminalnaha kodeksa.
Uładzimir Mackievič byŭ zatrymany 4 žniŭnia 2021 hoda paśla vobšuku ŭ domie ŭ miežach kryminalnaj spravy. Jamu vystavili abvinavačvańnie ŭ «arhanizacyi dziejańniaŭ, jakija hruba parušajuć hramadski paradak» (art. 342 Kryminalnaha kodeksa).
4 lutaha Mackievič abviaściŭ haładoŭku, patrabujučy źmianić mieru strymańnia na padpisku ab niavyjeździe, zaviaršyć śledčyja dziejańni i pryznačyć datu sudovaha raźbiralnictva.
Paźniej jamu vystavili jašče dva abvinavačvańni;
— č. 1 art. 361-1 (stvareńnie ekstremisckaha farmavańnia abo ŭdzieł u im) — za płatformu «Schod»;
— č. 1 art. 368 (abraza Łukašenki) — za videazapis na YouTube-kanale.
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach7
Kamientary