Niekatoraja ježa, jakuju pryniata ličyć dyjetyčnaj, nasamreč źmiaščaje šmat tłušču ci cukru. Niama pravilnaj ci niapravilnaj ježy, ale, kali vy sočycie za zdaroŭjem, u niekatoraj ježy lepiej siabie abmiažoŭvać. Nazyvajem 7 praduktaŭ, da jakich varta stavicca aściarožna, kali vy žadajecie padtrymlivać siabie ŭ formie.
Rysavyja chlabcy
Ich ličać karysnym pierakusam dla tych, chto na dyjecie, i časam imi zamianiajuć chleb, ale na samoj spravie jany mohuć być škodnymi. Chacia hetyja chlabcy małakałaryjnyja i ŭ ich niama hlutenu, jany ŭsio jašče nie źjaŭlajucca idealnym praduktam, piša obcasy.pl.
Nasamreč rysavyja chlabcy — heta pradukt vysokaj stupieni pierapracoŭki, a takuju ježu nie ličać zdarovaj. Akramia taho, jość danyja, što ŭ rysavych chlabcach vielmi šmat taksičnaha rečyva myšjak, jakoje pavialičvaje vierahodnaść raku, dyjabietu i prablem z sercam. Kali vy jaście chlabcy redka, vam jany nie naškodziać, ale lepiej nie rabić ich pastajannaj častkaj dyjety.
Johurty z sadavinoj
Zvyčajna jany źmiaščajuć vielmi šmat cukru, škodnych kansiervantaŭ, farbavalnikaŭ i aramatyzataraŭ. Kali žadajecie pamienšyć škodu ad hetaha praduktu, starajciesia vybirać johurty biez cukru i z maksimalna naturalnym składam. I sačycie za tym, kab johurt, jaki vy kuplajecie, nie źmiaščaŭ škodny padsałodžvalnik aspartam.
Złakavyja batončyki
Imi časta zamianiajuć šakaładnyja vafli i inšyja kałaryjnyja pierakusy, ale złakavyja batončyki i sami źmiaščajuć šmat cukru. Akramia hetaha, złaki ŭ takim batončyku sklejvajuć pry dapamozie hlukozna-fruktoznaha siropu, a ŭ ich skład uvachodziać hidrahienizavanyja raślinnyja žyry (transžyry), vielmi škodnyja dla zdaroŭja. Tamu pierš čym vyrašycie nabyć taki batončyk, uvažliva pračytajcie jaho skład.
Bananavyja čypsy
Jašče adzin pierakus, papularny siarod ludziej, što žadajuć pachudzieć. Bananavyja čypsy źmiaščajuć bolš karysnych rečyvaŭ, čym sami banany, jany dapamahajuć lepš spać, dy i ŭvohule heta vielmi smačnaja ježa. Dyk u čym ža prablema? U tym, što bananavyja čypsy zusim nie dyjetyčnyja: u 100 hramach takich čypsaŭ ažno 530 kkał, dy jašče jany i pavyšajuć uzrovień chalesterynu.
Celnaziernievy chleb
Heta krynica nie tolki kaštoŭnaj klatčatki, ale i cukru — apošniaha ŭ im bolš, čym u niekatorych złakavych batončykach. Voś čamu dyjabietykam nie varta jeści taki chleb. Akramia taho, pšanica źmiaščaje hluten, jaki časam vyklikaje alerhiju, tamu pry vybary chleba varta źviartać uvahu na inhredyjenty.
Sałata i ahurki ŭ polietylenavaj upakoŭcy
Zielanina — krynica karysnych rečyvaŭ, ale tolki nie tady, kali jaje zachoŭvajuć u pakietach biez dostupu pavietra. Hiermietyčnaja ŭpakoŭka vyklikaje ŭtvareńnie vilhaci na praduktach, što paskaraje ŭtvareńniu kancerahiennych nitrazaminaŭ. Ale kali ž vy ŭsio roŭna nabyli taki pradukt, dobra pamyjcie jaho pierad užyvańniem, navat kali na ŭpakoŭcy napisana, što pradukt vymyty. Bo kali ježu myjuć u fabryčnych umovach, časta vykarystoŭvajuć škodnuju chimiju, jakaja pavinna źmienšyć kolkaść bakteryj.
Chrustkija chlabcy
Jak by dyjetyčna jany ni vyhladali, na samoj spravie ŭ 100 hramach takich chlabcoŭ stolki ž kałoryj, jak i ŭ 100 hramach zvyčajnaha chleba. I heta nie adziny ich niedachop: chrustkija chlabcy — mocna pierapracavanaja ježa z vysokaj kolkaściu vuhlavodaŭ, jakaja pavyšaje uzrovień cukru ŭ kryvi. Pry vytvorčaści takich chlabcoŭ moža ŭtvaracca škodny akryłamid — taksičnaje i patencyjna kancerahiennaje rečyva. Narešcie, chrustkimi chlabcami bolš ciažka najeścisia, čym zvyčajnym chlebam, tamu ŭ vyniku vy budziecie jeści bolš, čym kali b nie pierachodzili na chlabcy.
Kamientary