U Maskvie źnik Dźmitryj Šadko, pamočnik staršyni Kalehii Jeŭrazijskaj ekanamičnaj kamisii. Mužčynu nie mohuć znajści ŭžo try dni, piša «Baza».
Dźmitryj Šadko — hramadzianin Biełarusi. Apošnim časam, pavodle «Bazy», jon pracavaŭ u Maskvie i žyŭ na Sierpuchoŭskim Vale.
Šadko zajmaŭ pasadu pamočnika Michaiła Miaśnikoviča, staršyni Kalehii Jeŭrazijskaj ekanamičnaj kamisii (orhan Jeŭrazijskaha ekanamičnaha sajuza, kudy ŭvachodziać Armienija, Biełaruś, Kyrhyzstan, Rasija, Kazachstan).
Pa słovach kaleh, Dźmitryj byŭ vielmi punktualnym i nadziejnym supracoŭnikam: jon zaŭsiody papiaredžvaŭ ab svaich pierasoŭvańniach abo adhułach.
Apošni raz Šadko bačyli 9 sakavika, a na nastupny dzień jon źnik.
Supracoŭnik JEEK nie pryjšoŭ na važnuju naradu, a jaho telefon byŭ vyklučany.
Znajomyja Šadko ŭspomnili, što apošnim časam mužčyna časta skardziŭsia na śpinu: maŭlaŭ, tak balić, što navat nie ŭstać, tamu vykazali zdahadku, što Dźmitryj moža prosta lažać doma. Kvateru, dzie jon pražyvaŭ, adčynili, adnak tam nikoha nie było. Pamiaškańnie ahledzieli palicejskija, ale ničoha kryminalnaha nie znajšli. Šadko praciahvajuć šukać.
Vyjšła na svabodu Antanina Kanavałava, davieranaja asoba Cichanoŭskaj u 2020 hodzie1
Kamientary
Chatia moža u P.K. užo chto zna