Pasoł Kitaja pastaviŭ pad sumnieŭ lehitymnaść postsavieckich dziaržaŭ
Kiraŭniki MZS Łatvii, Litvy i Estonii adreahavali na słovy pasła Kitaja ŭ Francyi Lu Šaje, jaki ŭsumniŭsia ŭ suvierenitecie byłych savieckich respublik i zajaviŭ, što «Krym pieršapačatkova naležaŭ Rasii».
Teleintervju pasła Kitaja ŭ Francyi Lu Šaje šviejcarskamu žurnalistu vyklikała šyroki rezanans.
Adkazvajučy na pytańnie ab tym, ci zjaŭlajecca Krym častkaj Ukrainy, Lu Šaje skazaŭ, što ŭsio zaležyć ad taho, jak hladzieć na hetaje pytańnie. «Pierš za ŭsio… Krym pieršapačatkova naležaŭ Rasii, ci nie tak? A potym Chruščoŭ, u savieckija časy, pieradaŭ Krym Ukrainie», — skazała Šaje.
Žurnalist zapiarečyŭ, što pa mižnarodnym pravie Krym zjaŭlajecca častkaj Ukrainy.
Šaje adkazaŭ jamu, što pa mižnarodnym pravie byłyja respubliki Savieckaha Sajuza nie majuć nijakaha statusu. «U mižnarodnym pravie byłyja savieckija dziaržavy navat nie majuć statusu… jak by heta skazać… faktyčnaha statusu ŭ mižnarodnym pravie, tamu što niama mižnarodnaha dahavora, jaki materyjalizavaŭ by ich suvierenitet», — zajaviŭ pasoł Kitaja.
Na vykazvańni kitajskaha dypłamata adreahavali ŭ MZS Łatvii. U paniadziełak u ministerstva dla tłumačeńniaŭ vyklikali ŭpaŭnavažanaha pavieranaha ŭ spravach ambasady KNR u Ryzie, piša Delfi.
«Bieručy pad uvahu nieprymalnyja zajavy pasła Kitaja ŭ Francyi ab mižnarodnym pravie i nacyjanalnym suvierenitecie, Ministerstva zamiežnych spraŭ Łatvii patrabuje tłumačeńniaŭ», — napisaŭ kiraŭnik MZS Łatvii Edhars Rynkievič u Twitter.
Remarks by the Chinese Ambassador in France concerning international law and sovereignty of nations are completely unacceptable. We expect explanation from the Chinese side and complete retraction of this statement https://t.co/S937uXJGWJ
Rynkievič zaznačyŭ, što hety krok uzhodnieny ź Litvoj i Estonijaj.
Pa słovach kiraŭnika MZS Litvy Habryelusa Łandśbierhisa, zajava kitajskaha dypłamata tłumačyć, čamu Piekin nie moža być pasrednikam u pieramovach pa ŭstalavańni miru va Ukrainie.
«Kali kamuści ŭsio jašče cikava, čamu krainy Bałtyi nie daviarajuć Kitaju jak «pasredniku ŭ dasiahnieńni miru va Ukrainie», to voś kitajski pasoł, jaki śćviardžaje, što Krym zjaŭlajecca rasijskim, a miežy pamiž našymi krainami nie majuć nijakich pravavych padstaŭ», — skazaŭ jon.
«Na praciahu mnohich hadoŭ Zachad kazaŭ, što ekanamičnaje supracoŭnictva pierakanaje dyktataraŭ padtrymać mižnarodny paradak, zasnavany na praviłach. Ale ŭsio, što my rabili, — heta karmili ich ekanomiku, dazvalajučy im parušać usie praviły. Kitaj robić staŭku na toje, što my paŭtorym hetuju pamyłku. Pryjšoŭ čas pasprabavać niešta inšaje», — napisaŭ Łandśbierhis u Twitter.
For years the West said economic cooperation would persuade dictators to support rules based international order. But all we did was feed their economies while letting them break all the rules. China is betting that we will repeat this mistake. It's time to try something else
Ministr zamiežnych spraŭ Estonii Marhus Cachkna taksama asudziŭ słovy pasła Kitaja.
«Ministerstva zamiežnych spraŭ Estonii płanuje vyklikać pradstaŭnika KNR u Estonii, i, kali spatrebicca, prainfarmavać jaho ab našaj historyi. Naša meta — dać zrazumieć, što takija pohlady nieprymalnyja i što Estonija — suvierennaja dziaržava», — skazaŭ Cachkna.
Aleksijevič narešcie vykazałasia pra Izrail i Paleścinu5
Kamientary
— vstupať v nieposriedstviennyje snošienija s inostrannymi hosudarstvami, zaklučať s nimi sohłašienija i obmienivaťsia dipłomatičieskimi i konsulskimi priedstavitielami (st. 18-a Konstitucii SSSR 1936 h.);