Ukrainskaja fiechtavalščyca nie pacisnuła ruki rasijancy na ČS. Heta, najchutčej, čakaje i biełarusaŭ — reč va ŭkrainskim zakonie
Ukrainskaja fiechtavalščyca Volha Charłan nie biez pryhod startavała na čempijanacie śvietu pa fiechtavańni ŭ Miłanie. Na starcie ŭkrainka atrymała pieramohu nad rasijankaj Hannaj Śmirnovaj, jakaja vystupaje pad niejtralnym ściaham — 15:7.
Samaje cikavaje adbyłosia paśla zaviaršeńnia pajadynku. Rasijanka padyšła da Charłan z praciahnutaj rukoj, ale Volha vystaviła šablu napierad i niešta skazała svajoj apanientcy, piša ŭkrainskaja «Trybuna».
Pavodle praviłaŭ FIE, «admova fiechtavalščyka pryvitać supiernika, refiery i hledačoŭ da pačatku pajadynku abo paśla apošniaha ŭdaru karajecca čornaj kartkaj (dyskvalifikacyjaj)». Ale niama dakładnaha apisańnia, ci majecca na ŭvazie mienavita pocisk ruki.
Śmirnova padała pratest suprać Charłan praz «adsutnaść prajavy pavahi» i bolš za 50 chvilin znachodziłasia na darožcy paśla matča.
Sudździ čempijanatu pieršapačatkova pakinuli ŭ sile pieramohu ŭkrainki, ale paśla Mižnarodnaja fiederacyja fiechtavańnia dyskvalifikavała Charłan.
Na hetym ČS razyhryvajucca bały ŭ suśvietnym rejtynhu, jaki budzie vyznačać pucioŭki na Alimpijadu-2024.
Paśla hetaha źjaviłasia zajava ad Nacyjanalnaj fiederacyi fiechtavańnia Ukrainy:
«U metach vykanańnia zahada Ministerstva moładzi i sportu ad 26.07.2023 №4435 prezidyumam fiederacyi fiechtavańnia Ukrainy było pryniata rašeńnie zabaranić spartsmienam, trenieram, sudździam udzielničać u spabornictvach, dzie buduć udzielničać pad svaimi ściahami rasijskija i biełaruskija spartsmieny. Što ž tyčycca ŭdziełu ŭ spabornictvach, dzie buduć udzielničać tak zvanyja niejtralnyja spartoŭcy, to pastanova ab mahčymaści ŭdziełu ŭ takich spabornictvach budzie zastavacca za ŭkrainskimi spartoŭcami, trenierami, sudździami.
Pry hetym asobna padkreślivajecca niedapuščalnaść lubych dziejańniaŭ, jakija mohuć usprymacca jak prajava salidarnaści z takimi tak zvanymi niejtralnymi spartoŭcami».
***
Učora Ihar Rejźlin źniaŭsia z boju suprać rasijanina Anochina. Ukrainiec padaŭ miedycynskuju daviedku, kab nie ŭdzielničać u spabornictvie.
Uviečary 27 lipienia Ministerstva moładzi i sportu apublikavała abnoŭleny zahad, zhodna ź jakim ukraincy mohuć spaborničać na turnirach, da jakich rasijanie i biełarusy dapuščanyja pad niejtralnym ściaham.
«Niejkaja šval u Hrodnie». Marzaluk prajšoŭsia pa Bondaravaj i jaje paplečnikach15
Kamientary