Dyrektar ZTAA «Dana Astra» Śviatłana Ščatko i jaje namieśnik Pavieł Aŭčaroŭ znachodziacca ŭ SIZA, ich zatrymali ŭčora, 16 listapada. Ab hetym Reform.news paviedamili krynicy, znajomyja ź situacyjaj.
U toj ža dzień byli zatrymanyja i inšyja mieniedžary, jakija pracujuć na siamju Karyčaŭ — Miłan Rakačevič, Nienad Simanovič, Vibar Mulič.
Paźniej Rakačeviča i Muliča adpuścili.
Aryšty ŭ kampanii, jakaja naležyć bratam Karyčam, pavodle infarmacyi Reform.news, prajšli paśla pravierki Dziaržkantrolu.
Vibar Mulič paćvierdziŭ žurnalistu Reform.news, što jon na svabodzie. Jon skazaŭ, što ŭ «Dana Astra» paśla pravierki nijakich ciažkaściaŭ niama.
«Nie mahu paćvierdzić, bo składanaści niama. Usio ŭ pracoŭnym paradku», — zajaviŭ spadar Mulič.
Prablemy ŭ «Dana Astra» pačalisia paśla taho, jak Alaksandr Łukašenka publična adreahavaŭ na skarhi pakupnikoŭ kvater ad zabudoŭščyka padčas naviedvańnia handlovaha centra «Pieršy nacyjanalny handlovy dom» 29 śniežnia 2023 hoda. Kampanija realizuje bujnyja prajekty ŭ śfiery žyllovaha budaŭnictva, u tym liku buduje kompleks «Minsk-Mir».
Zasłuchoŭvajučy dakład staršyni Minharvykankama Uładzimira Kucharava, Alaksandr Łukašenka skazaŭ: «Darečy, pajšli skarhi na «Dana Astra».
Łukašenku dałažyli, što z kampanijaj pracujuć na hety kont, kab vyjaŭlenyja niedachopy byli likvidavany.
«Niachaj pierarablajuć usio. Bo adkažuć tak, jak adkazvajuć usie ŭ Biełarusi. Pryjšli pracavać u Biełaruś — niachaj pracujuć, jak treba. Kab na ich ludzi nie kryŭdzilisia. Treba ŭvažliva pahladzieć za hetymi budaŭnikami», — daručyŭ Łukašenka.
-
Koŭšyk: Heta i rukami Ramašeŭskaj zdaryłasia tak, što «Biełsat» całkam zaležny ad Polskaha telebačańnia
-
Viačorka: Siarod zachodnich palitykaŭ isnuje žadańnie chutčej skončyć vajnu luboj canoj. I hetaj canoj moža stać Biełaruś
-
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary