Vyjšła kniha pra falkłarysta, jaki padarožničaŭ z Drazdovičam i Kupałam
U vydaviectvie «Biełaruskaja navuka» vyjšła kniha «Jak nacyja vučyłasia śpiavać» Janiny Hrynievič. Jana pra Antona Hrynieviča (1877—1937) — vybitnaha falkłarysta, biełaruskaha dziejača i piedahoha svajho času.
Anton Hrynievič byŭ vydatnym biełaruskim dziejačam taho etapu historyi, kali zaradžaŭsia i raźvivaŭsia arhanizavany biełaruski nacyjanalny ruch va ŭsich jahonych prajavach: i palityčnaj, i haspadarčaj, i kulturnaj. Hrynievič vielmi plonna pracavaŭ mienavita na kulturnaj dzialancy.
Jon šmat čaho paśpieŭ za svajo žyćcio: vydavaŭ śpieŭniki, zapisaŭ pieśni ledź nie ad pałovy dziejačaŭ biełaruskaha ruchu, padarožničaŭ ź Jazepam Drazdovičam i Jankam Kupałam, drukavaŭ piedahahičnyja brašury i šmat čaho jašče.
Jahonyja bijahrafija i darobak sabranyja aŭtarkaj pa krupinkach u biełaruskich i litoŭskich archivach dy ŭ pryvatnych zborach.
Ideja padrychtoŭki i vydańnia knihi pra Antona Hrynieviča naležała inšamu viadomamu biełaruskamu dziejaču navuki i kultury, užo našamu sučaśniku Arsieniu Lisu. Jon pieršy pačaŭ źbirać da jaje materyjały, i kniha, jakaja ciapier vyjšła, pryśviečanaja jahonaj pamiaci.
Knihu ŭžo možna nabyć u minskaj «Akademknizie», ale nakład jaje abmiežavany.
Čytajcie taksama:
-
Śviatkavać treci padzieł Rečy Paspalitaj, dapłačvać Hihinu i adsunuć Marzaluka: jak Rasija choča pierapisać historyju Biełarusi
-
U 1942 hodzie ŭ Mahilovie zdaryłasia bujnaja technahiennaja avaryja. Historyk padrychtavaŭ pra jaje knihu
-
Jak biełarusy žyli pa draŭlanym kalendary. Usio žyćcio źmiaščałasia na prostym kijku
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary