Byłaja ministarka achovy zdaroŭja Łatvii pačała karjeru humarystki. I ŭžo adbyŭsia pieršy vystup
Siarod žartaŭ Iłze Vińkiełe byli davoli pikantnyja historyi: naprykład, jana žartavała pra pamier svaich hrudziej, pra seks i pra vizit da hiniekołaha.
Były ministr achovy zdaroŭja Iłze Vińkiełe ŭstupiła ŭ asacyjacyju komikaŭ «Žanočy stendap» i ŭpieršyniu vyjšła na scenu ŭ novaj jakaści na śviacie rajona vulicy Avotu, piša Delfi.lv sa spasyłkaj na Privātā Dzīve.
Pa źviestkach vydańnia, u zborniku žartaŭ Vińkiełe byli davoli pikantnyja historyi: naprykład, jana žartavała pra pamier svaich hrudziej, pra seks i pra vizit da hiniekołaha.
Jana taksama pažartavała pra turmu: «Nie vyklučaju, što maja sprava z vakcynaj suprać Covid-19 moža skončycca turmoj. Daśviedčanyja ludzi kažuć, što tym, chto ŭmieje raspaviadać historyi, u turmie lahčej».
Vystup eks-ministra spadabaŭsia publicy, i, pavodle jaje, heta nie apošni jaje stendap.
Dośvied vystupleńniaŭ na scenie Vińkiełe nabyła ŭ palitycy, bo tam ludzi časta prykidvajucca i hrajuć roli: «Ty prychodziš u Dom kultury i viedaješ, što ty ahidny ludziam, bo ty deputat, ale łatyšy vietlivyja, jany dorać tabie kvietki i słuchajuć, što ty chočaš skazać. Kali vychodziš sa stendapam, nichto nie prykidvajecca — publika albo prymaje ciabie, albo nie».
Iłze Vińkiełe źjaŭlajecca členam praŭleńnia Daŭhaŭpiłskaj balnicy. Niekatory čas jana taksama pracavała ŭ pryvatnaj ustanovie achovy zdaroŭja, ale zrazumieła, što hetaja praca nie dla jaje.
«Ja taja jašče pamidorka». Što Ihar Tur piša ŭ telehram-čatach sa svajho asnoŭnaha akaŭnta5
Kamientary