AAN: Siektar Haza moža zastacca biez elektryčnaści praź niekalki dzion
Poŭny błekaŭt moža pastavić pad pahrozu žycharoŭ — u siektary Haza pražyvaje kala 2,3 młn čałaviek.
Adzinaja elektrastancyja ŭ siektary Haza, jakaja zabiaśpiečvaje žycharoŭ ankłava elektraenierhijaj, moža zastacca biez dyzielnaha paliva na praciahu niekalkich dzion, havorycca ŭ zajavie AAN, piša Bi-bi-si.
Poŭny błekaŭt moža pastavić pad pahrozu žycharoŭ — u siektary Haza pražyvaje kala 2,3 młn čałaviek.
Siektar u značnaj stupieni zaležyć ad Izraila, jaki ŭ niadzielu całkam spyniŭ pastaŭki.
Zvyčajna Haza zakuplaje ŭ Izraila 120 MVt elektraenierhii ŭ dzień, a jaje adzinaja elektrastancyja, jakaja pracuje na dyzielnym palivie (jakoje taksama pastupała ź Izraila) vyrablaje jašče 60 MVt.
U paviedamleńni AAN taksama havorycca, što ŭ siektary Haza ŭ vyniku bajavych dziejańniaŭ pieramieščana bolš za 123 tysiačy paleścincaŭ.
«Bajavyja dziejańni pryviali da ŭnutranaha pieramiaščeńnia nasielnictva. Bolš za 17 500 siemjaŭ, u jakich pražyvaje 123 538 čałaviek, stali vymušanymi pierasialencami ŭ Hazie, u asnoŭnym z-za strachu, prablem ź biaśpiekaj i razbureńnia damoŭ», — zajaŭlajuć u arhanizacyi.
Pa danych AAN, izrailskija avijaŭdary nanosiacca ŭ tym liku pa žyłych damach, u niekatorych vypadkach — biez papiaredžańnia žycharoŭ ab evakuacyi.
«U horadzie Haza byli całkam razburanyja čatyry bujnyja žyłyja šmatpaviarchoviki. [ … ] Pa najaŭnych danych, u hetych vypadkach izrailskija vojski zahadzia papiaredžvali ab niebiaśpiecy, i zahinułych u vyniku hetych incydentaŭ nie było. Pa danych Ministerstva hramadskich rabot i žyllovaha budaŭnictva Hazy, 159 budynkaŭ było razburana, a 1210 atrymali surjoznyja paškodžańni».
Što viadoma pra biełarusa Viktara Paviełku, jakoha ŭ Polščy padazrajuć u arhanizacyi napadaŭ na rasijskich apazicyjanieraŭ1
Kamientary