«Jana zaŭsiody žyła tam vielmi biedna». Raspovied Piaskova pra ciažki žyćciovy šlach dački naśmiašyŭ ŚMI i sacsietki
U internecie znoŭ śmiajucca ź Dźmitryja Piaskova. Na hety raz sa śćviardžeńnia, što jahonaja hłamurnaja dačka žyła ŭ Paryžy ŭ «spartanskich umovach». Umovy akazalisia sapraŭdy nie prostymi.
Lizavieta Piaskova — adna sa mnohich svajakoŭ rasiejskich čynoŭnikaŭ, jakija «pakutavali» ŭ zahnivajučaj Jeŭropie, pakul Kreml ź joju zmahaŭsia.
U niadaŭnim intervju adnamu z prapahandysckich rasiejskich ŚMI Piaskoŭ skazaŭ, što 25-hadovaja Jelizavieta «mažoram» nikoli nie była.
«U jaje było vielmi niaprostaje žyćcio, niaprostaja vučoba, nie tolki ŭ Rasii, jana vučyłasia jašče i ŭ Francyi, i jana zaŭsiody žyła tam vielmi biedna, u vielmi spartanskich umovach, i, ułasna, nikoli nie była mažoram. Joj pryjšłosia pieraadolvać vialikuju kolkaść ciažkaściaŭ, jana doŭha šukała siabie, i dziakuj bohu, što ciapier ustakaniłasia i ŭsio narmalna», — zajaviŭ Piaskoŭ.
Pavodle jahonych słoŭ, takoje vychavańnie daje samo žyćcio, kali davodzicca pieraadolvać niejkija ciažkaści: «Adna sprava, ty sapraŭdy mažor, žyruješ tam i hetak dalej, kali tabie niama da čaho imknucca;
a inšaja sprava, kali tabie treba kožny dzień pieraadolvać niejkija prablemy: dzie tabie žyllo tańniej źniać, jak tabie zaaščadzić hrošy, kab tamaka ŭ kancy miesiaca sabie novyja džynsy kupić i hetak dalej. Tady byŭ inšy čas, ale vielmi i vielmi ŭ spartanskich umovach heta ŭsio adbyvałasia».
The Times napaminaje niekatoryja detali ź ciažkaha žyćcia Jelizaviety Piaskovaj. Jana pierajechała ŭ Paryž sa svajoj maci, Kaciarynaj Sałacinskaj, paśla razvodu baćkoŭ i pražyła tam niekalki hadoŭ. Jana vučyłasia ŭ francuzskaj škole-internacie, vyvučała prava i mižnarodnyja adnosiny i navat pracavała stažorkaj va ŭltrapravaha francuzskaha člena Jeŭraparłamienta ŭ Strasburhu i Brusieli.
Luboŭ Sobal, paplečnica źniavolenaha Alaksieja Navalnaha, adreahavała ŭ sacyjalnych sietkach, apublikavaŭšy fatahrafiju Piaskovaj, jakaja siadzić u pryvatnym samalocie z podpisam: «Spartanskija ŭmovy pavodle patałahičnaha chłusa Piaskova».
U 2016 hodzie byłaja žonka Piaskova Sałacinskaja napisała ŭ sacyjalnych sietkach, što pierajechała ŭ novuju kvateru na płoščy Viktora Hiuho ŭ centry Paryža.
Rasśledavańnie Fonda pa baraćbie z karupcyjaj, jaki ŭznačalvaŭ Navalny, pakazała, što kvateru za 1,8 miljona jeŭra dla Sałacinskaj nabyła francuzskaja kampanija Sirius, 75% akcyj jakoj naležali Sałacinskaj i 25% — Piaskovu. Apartamienty majuć płošču kala 180 kvadratnych mietraŭ, uklučajučy 4 spalni i 3 sanvuzły.
Videa pra žyllo svajakoŭ Piaskova publikavaŭ ukrainski deputat Alaksiej Hančarenka.
Sam ža Piaskoŭ, jaki pavodle aficyjnych danych za 2020 hod zarabiŭ 173 tys. dalaraŭ, byŭ zaŭvažany pry hetym z hadzińnikam za 600 tys. dalaraŭ, napaminajuć «Fakti». Pa danych FBK, žonka, byłaja žonka i dzieci Piaskova vałodajuć raskošnymi transpartnymi srodkami i šmatmiljonnymi damami pa ŭsim śviecie, uklučajučy Rasiju i Francyju.
Letaś ZŠA i Jeŭrasajuz uviali sankcyi, pad jakija siarod inšych patrapili taksama i dačka i syn Piaskova. ZŠA zajavili, što tyja viali «raskošny ład žyćcia, jaki nie adpaviadaje zarobku dziaržsłužačaha Piaskova». Sam Piaskoŭ raspaviadaŭ tady, što jaho dačka «vielmi lubić Francyju», dzie doŭha žyła i vučyłasia, ale byccam užo šmat hadoŭ tamu pierajechała nazad u Maskvu, dzie zaraz žyvie i pracuje.
Varta adznačyć, što pieršapačatkova Liza Piaskova demanstravała prykmiety zdarovaha sensu i na svajoj staroncy ŭ adnoj z sacsietak adreahavała na poŭnamaštabnaje ŭvarvańnie RF va Ukrainu frazaj «Nie vajnie», piša UNIAN. Adnak potym dopis z sacsietki byŭ vydaleny.
Sama Jelizavieta, kamientujučy sankcyi, nazvała varjactvam «uvodzić sankcyi ŭ dačynieńni da darosłych dziaciej». Darosłyja dzieci čynoŭnikaŭ, nakštałt jaje samoj, «užo daŭno viaduć svajo asabistaje i prafiesijnaje žyćcio», padkreśliła jana i zaklikała «spynić palavańnie na viedźmaŭ».
«Chaciełasia b dadać, što ja hanarusia tym, što ja ruskaja», — dadała Jelizavieta.
Kali Kanapackaja stała całkam padkantrolnaja Łukašenku?22
Kamientary