U Biełarusi pačali vypuskać masła «hchi». Što heta takoje i čamu kaštuje 66,8 rubla za kh?
Minsielhascharč paviedamiŭ, što ŭ Biełarusi asvoili vytvorčaść novych vidaŭ pradukcyi «z vysokim tavarnym koštam», u tym liku vysakatłustaha toplenaha masła «hchi». Vydańnie Telegraf.news daviedałasia, što heta za pradukt, i znajšło jaho ŭ prodažy. Cana akazałasia niemałoj.
Što heta za pradukt i «z čym jaho jaduć»?
Masła hchi (pa-anhielsku ghee) — heta ačyščanaje toplenaje masła, jakoje vykarystoŭvajuć dla hatavańnia ježy. Čymści novym jaho nazvać nie vypadaje, heta adzin z samych viadomych inhredyjentaŭ indyjskaj kuchni i vielmi papularny ŭ tradycyjnaj sistemie indyjskaj miedycyny (ajurvieda). Jaho jašče nazyvajuć «zołatam ajurviedy».
Praŭda, technałohija vytvorčaści krychu adroźnivajecca ad zvyčajnaha toplenaha masła. Praces vyrabu davoli praciahły i składany.
Hchi atrymlivajuć mietadam pieratapleńnia, sutnaść jakoha — u vypareńni vady i vydaleńni małočnych białkoŭ sa śmietankovaha masła.
Spačatku śmietankovaje masła doŭha topicca na vadzianoj bani, u zaležnaści ad abjomaŭ — ad 15 da 40 hadzin pry stałaj tempieratury ad 92 da 94 hradusaŭ. Takaja aščadnaja technałohija nie pryvodzić da kipieńnia masła i ŭsiaho taho, što adsłojvajecca ad jaho padčas pracesu. Potym jano adstojvajecca i prachodzić śpiecyjalnuju filtracyju. U vyniku vytvorčaści adździalajecca małočny białok, cukar i inšyja prymieški. U vyniku zastajecca čysty i, jak kažuć vytvorcy, karysny tłušč.
Usie hetyja vytvorčyja składanaści, vierahodna, i ŭpłyvajuć na košt budučaha praduktu.
Technałohija vyrabu masła hchi nie robić jaho taksičnym, śćviardžajuć vytvorcy: hchi možna vykarystoŭvać i dla smažańnia, i dadavać u kašy, supy, sałaty, i namazvać na chleb.
Jość navat lekavyja ŭłaścivaści?
Možna znajści infarmacyju, što štodzionny pryjom masła hchi stanoŭča ŭpłyvaje na zrok, stravavańnie, pamiać i skuru. Jaho ličać dobrym srodkam dla amaładžeńnia arhanizma i zachavańnia maładości.
Upłyŭ toplenaha masła navukoŭcy nieadnarazova daśledavali. U 2010 hodzie amierykanskija navukoŭcy pryjšli da vysnovy, što hetaje masła źnižaje ŭ žyvioł uzrovień chalesterynu i pamianšaje ryzyku źjaŭleńnia peŭnych sardečna-sasudzistych zachvorvańniaŭ. Taksama jany znajšli patencyjnuju suviaź pamiž užyvańniem masła hchi i pamianšeńniem ryzyki karanarnaj sardečnaj chvaroby.
Daśledavańni masła hchi ŭ 2015 hodzie pakazali, što ŭ im vielmi mała chalesterynu i jano moža palapšać ahulny ŭzrovień «dobraha» chalesterynu. A jašče — palapšać pracu tonkaha kišečniku i ŭsioj stravavalnaj sistemy, umacoŭvać niervovuju i sardečna-sasudzistuju sistemu, pavyšać vypracoŭku pałavych harmonaŭ i padtrymlivać imunitet.
Chto robić i dzie kupić
U prodažy jość masła hchi ajčynnaj vytvorčaści. Naprykład, na sajcie je-dastaŭki jano pradajecca pa canie 13,36 rub. za 200 h. Vytvorca — AAT «Biełaviežskija syry» z Vysokaha Kamianieckaha rajona.
Na sajcie vytvorcy pra hchi napisana:
«Heta pradukt, jaki atrymlivajecca ź jakasnaha śmietankovaha masła šlacham termičnaj apracoŭki. Zarekamiendavaŭ siabie va ŭschodniaj miedycynie jak cudadziejny srodak».
Pry hetym paznačanyja niezvyčajnyja, vielmi «minusavyja» ŭmovy zachoŭvańnia:
«Zachoŭvać pry tempieratury ad minus 18°C da minus 13°C i adnosnaj vilhotnaści pavietra nie bolš za 90% — 120 sutak».
Čytajcie taksama:
Jak paśla dvuch hadoŭ sankcyj źmianilisia biełaruskija palicy ź ježaj
U Vierchniadźvinsku pavialičać vytvorčaść macareły amal udvaja
Biełaruskaja kaŭbasa bieź miasa: kali źjavicca ŭ kramach i z čaho jaje robiać
Prapahandysty zajavili pra razhrom sietki salidarnaści i aryšt jaje ŭdzielnikaŭ10
Kamientary