Kiraŭnik MUS Litvy padtrymała zakryćcio dvuch punktaŭ na miažy ź Biełaruśsiu: Nacyjanalnaja biaśpieka — pryjarytet №1
Taksama prapanujecca pastupova skaračać rehularnyja pasažyrskija aŭtobusnyja pieravozki ŭ Biełaruś.
Pakolki Litva płanuje zakryć pamiežnyja kantrolna-prapusknyja punkty (KPP) «Łavaryški» i «Rajhard» na miažy ź Biełaruśsiu, ministr unutranych spraŭ Ahnie Biłatajcie adznačaje, što heta dazvolić bolš efiektyŭna vykarystoŭvać KPP «Miadzininkaj» («Miedniki»).
«U nas sapraŭdy vydatnaja infrastruktura, jakaja ŭ nie ŭ poŭnaj miery vykarystoŭvajecca ŭ Miadzininkaj, tamu z dapamohaj hetych rašeńniaŭ my zmožam vykarystoŭvać hetuju infrastrukturu bolš efiektyŭna», — skazała ministr u čaćvier u intervju radyjostancyi Ziniu radijas, paviedamlaje LRT.
Kamisija pa nacyjanalnaj biaśpiecy ŭ aŭtorak prapanavała spynić ruch tavaraŭ, transpartu i ludziej praz zhadanyja punkty, kančatkovaje rašeńnie pavinien pryniać urad.
Kamisija taksama prapanuje pastupova skaračać rehularnyja pasažyrskija aŭtobusnyja pieravozki ŭ Biełaruś.
Mer Vilenskaha rajona Robiert Duchnievič, jaki krytyčna pastaviŭsia da prapanovy kamisii, zajaviŭ, što, na jahonuju dumku, zakryćcio dvuch pamiežnych punktaŭ jašče bolš pavialičyć patok hruzavikoŭ u Miadzininkaj.
«Užo ciapier, navat pry pracujučym punkcie ŭ Łavaryškies, u nas całkam zahružanaja vioska Łavaryškies i Mienskaja šaša — viečaram časam ad samich Rukojniaŭ da Miednikaŭ. Ujavicie, jaki heta kiłamietraž», — skazaŭ u čaćvier mer.
«Kali my hatovyja inviestavać, kali ŭrad układziecca va ŭstanoŭku zon čakańnia, i heta nie pryčynić niazručnaściaŭ tysiačam našych žycharoŭ, to, moža być, heta vydatna, ale ja pakul nie čuŭ, kab takoje rašeńnie było pryniata», — skazaŭ jon.
Biłatajcie, u svaju čarhu, padkreśliła, što nacyjanalnaja biaśpieka Litvy źjaŭlajecca» pryjarytetam numar adzin».
Kamisija taksama prapanavała abmiežavać pasadku i vysadku pasažyraŭ na pamiežnym punkcie čyhunki Kiana (i ŭ Kibartaj), kab vyrašyć prablemu, jakaja źjaŭlajecca kali asoby, jakija jeduć tranzitnymi ciahnikami ŭ Kalininhrad, vysadžvajucca ŭ Litvie z dakumientami, vydadzienymi lubym členam ES nieabchodnym dla padarožžaŭ unutry supolnaści. U Kianie vychodziać abo sadziacca kala 13 tysiač čałaviek u hod.
U litoŭskich ustanovach śćviardžajuć, što vyšejzhadanyja inicyjatyvy nakiravanyja na vyrašeńnie prablem nacyjanalnaj biaśpieki, kantrabandy i parušeńniaŭ mižnarodnych sankcyj.
U žniŭni minułaha hoda Litva zakryła dva z šaści punktaŭ propusku na miažy ź Biełaruśsiu — «Šumsk» (ź biełaruskaha boku «Łoša») i «Ćvierač» («Vidzy»).
U Litvie znoŭ prapanavali zakryć jašče dva pamiežnyja punkty na miažy ź Biełaruśsiu
«My za toje, kab da nas pryjazdžali». Kiraŭniki Druskienik i Vilenskaha rajona suprać zakryćcia novych prapusknych punktaŭ na miažy ź Biełaruśsiu
Ci stała składaniej prachodzić biełaruska-litoŭskuju miažu paśla taho, jak pastrožyli pravierku biełarusaŭ
Bajpoł nazvaŭ imiony mahčymych zabojcaŭ Andreja Zielcera. I zajaviŭ, što siłavika «Nirvanu» zastreliŭ svoj ža5
Kamientary