Na miažy ź Litvoj paśla zakryćcia dvuch pamiežnych pierachodaŭ sabralisia vialikija čerhi
Paśla taho, jak Litva zakryła z 1 sakavika jašče dva pamiežnyja pierachody na miažy ź Biełaruśsiu, na tych dvuch, što zastalisia, značna vyraśli čerhi z hruzavikoŭ, paviedamiła Delfi.lt.
Pavodle słoŭ pres-sakratara Słužby achovy dziaržaŭnaj miažy Litvy Hiedrusa Mišucisa, u subotu na pamiežnych punktach «Miedniki» (ź biełaruskaha boku «Kamienny łoh» i «Salečniki» (ź biełaruskaha boku «Bieniakoni») ź biełaruskaha boku čakali 670-680 hruzavikoŭ.
Ź litoŭskaha boku ŭ Miednikach u subotu ranicaj znachodziłasia kala 500 hruzavikoŭ, a čas čakańnia ŭ čarzie składaŭ kala 55 hadzin. U Salečnikach čarha była z 340 mašyn, dzie kiroŭcam davodziłasia čakać pierasiačeńnia miažy kala 34 hadzin.
Taksama pavialičyŭsia čas čakańnia dla kiroŭcaŭ lehkavych aŭtamabilaŭ. Na pierachodzie «Miedniki — Kamienny łoh» u čarzie pryjdziecca prastajać kala šaści hadzin, «Salečniki — Bieniakoni» — kala dźviuch hadzin.
Zrešty, zusim vialikaj prablemy ŭ hetym litoŭski čynoŭnik nie bačyć:
«Jość niekatoraje pavieličeńnie, ale jano nie vielmi vialikaje, byvali pieryjady značna horšyja, kali čerhi byli bolšyja (…). Čerhi davoli doŭhija, čas čakańnia vialiki, ale kab heta byŭ rekord — takoha pakul nie było», — skazaŭ Hiedrus Mišucis.
Z 1 sakavika Litva zusim zakryła punkty propusku «Rajharad» i «Łavaryški», a na pakinutych dvuch pierachodach u Miednikach i Salečnikach zabaranili pierasiakać miažu pieššu abo na rovarach.
Ministr zamiežnych spraŭ Litvy: Dźviery dla biełarusaŭ pryčynienyja, ale zusim začyniać ich nie varta
Jak ciapier dabracca z Hrodna ŭ Druskieniki na maršrutcy
Bujny pieravozčyk raskazaŭ, što z rejsami i cenami paśla zakryćcia dvuch pamiežnych pierachodaŭ na miažy ź Litvoj
Što ciapier robicca na prapusknych punktach na vyjezd ź Biełarusi ŭ krainy ES
Rezka padaraželi kvitki na aŭtobusy ź Minska ŭ Varšavu i Vilniu. Što adbyłosia?
Pamior dzied Koli Łukašenki — były viazień HUŁAHa, asudžany za dapamohu «banderaŭcam»9
Kamientary
Vahneraŭcy pajduć praz punkty propusku, ŭbačać što jany začynieny, pažmuć plačyma, razharnucca i pojduć nazad?
Ci prosta letuvisy ad biaśsilnaj złoby ździekvajucca nad biełarusami, pryčym prajeŭrapiejskich pohladaŭ, jakija jeździać na Zachad?
Jak tam sankcyi, ŭžo abrynuli łukanomiku Biełarusi? Ryžym užo ŭsio?
Pa-pieršaje, ničoha z taho, što patrebna Eŭropie, nie zabłakavana. Kalij, nafta, haz -- usio idzie, ale nie naŭprost, navat va Ŭkrainie truby z hazam cełyja. Tavarniaki i fury praź letuviskuju ŭ tym liku miažu tudy-siudy dasiul. Darečy, ŭ minułym hodzie ŭ Polščy i Letuvy handl z Rasiejaj vyras. Takaja voś zdrada.
Cierpiać ad sankcyjaŭ i błakavańniaŭ tolki prostyja nievierahodnyja Biełarusiki, jakija bolš za ŭsich byli za sankcyi, i jakija ciapier pahroza nacyjanalnaj biaśpiecy Letuvy. Ironija losu.