Polskaje hramadskaje telebačańnie TVP adkazała na pytańni «Radyjo Svaboda» pra pryčyny zvalnieńnia Ahnieški Ramašeŭskaj-Huzy i budučyniu telekanała «Biełsat».
«Kiraŭnictva Polskaha telebačańnia, jakoje likvidujecca (farmalny jurydyčny status — RS), padziakavała joj za šmathadovaje supracoŭnictva. Abaviazki Ramašeŭskaj-Huzy prymie jaje ciapierašni namieśnik i adzin z zasnavalnikaŭ kanału Alaksiej Dzikavicki», — havorycca ŭ adkazie pres-słužby TVP.
Tam dadali, što źmieny źviazanyja z pracaj nad novaj madellu zamiežnych kanałaŭ TVP, jakija finansujucca Ministerstvam zamiežnych spraŭ.
«Za apošnija hady biudžet «Biełsata» pavialičyŭsia z 30 miljonaŭ złotych u 2018 hodzie da 90 miljonaŭ złotych, zapłanavanych na 2024 hod. Pavieličeńnie finansavańnia było źviazana, miž inšym, z płanami adździalić kanał ad struktur TVP, što palehčyła b atrymańnie źniešnich srodkaŭ», — havorycca ŭ adkazie.
TVP tłumačyć, što hety praces nie byŭ praviedzieny ŭ žyćcio. Ministerstva zamiežnych spraŭ nie zaćvierdziła finansavańnie na hety hod u zapłanavanym telebačańniem abjomie.
«Kanałam budzie kiravać biełarus, što taksama adpaviadaje čakańniam biełaruskaj apazicyi. Alaksiej Dzikavicki dobra viedaje kamandu i, što niemałavažna, razumieje nieabchodnaść supracoŭnictva ź inšymi kanałami hramadskaha telebačańnia», — adznačajecca ŭ adkazie TVP.
Čytajcie taksama:
Dyrektarku «Biełsata» zvolnili paśla 17 hadoŭ pracy
Dyrektarka «Biełsata» patłumačyła, što aznačaje skaračeńnie finansavańnia telekanała
Pamior dzied Koli Łukašenki — były viazień HUŁAHa, asudžany za dapamohu «banderaŭcam»4
Kamientary
Pra kaho
havorka? Heta ž roznyja hrupy, ad bolš ci mienš prabiełaruskich (paźniakoŭcy, cichanoŭcy-kabiniet) da prarasiejskich
(naprykład capkałaŭcy i babarykancy). Apošni ž tolki rady, što skaračajecca čarhovy biełaruski "rusofobski" prajekt.