Dzieci Kličko trapili ŭ skandał svajoj adviaznaj viečarynkaj u Hamburhu
U sietkach nabiraje prahlady videa z chatniaj viečaryny małodšych dziaciej mera Kijeva Vitala Kličko — ź siabrami, ałkaholem i tancami. Hałoŭnaja pretenzija da vidovišča — pakul Rasija atakuje Ukrainu dronami i rakietami, Lizavieta i Maksim Kličko viesieła žyvuć u Niamieččynie.
Lizaviecie — 21 hod, Maksimu 1 krasavika spoŭniłasia 19 hadoŭ. Jany žyvuć u Hamburhu, jak i ich maci, Natalla Jahorava — byłaja žonka Vitala. Para razyšłasia ŭ 2022 hodzie.
Diti Klička, 21-rična Liza ta 18-ričnij Maksim, pokazali, jak "uchodiať u vidriv" v Hamburzi pic.twitter.com/QpQfcQg53p
Videa, na jakim małodšyja dzieci Kličko pakazali, jak adryvajucca na vychodnych, zjaviłasia ŭ piatnicu, vierahodna, jano było źniataje ŭ domie ich maci Natalli Jahoravaj u Hamburhu.
Spačatku maładyja ludzi jeduć u kramu pa ałkahol na Smart Brabus, jaki,pa acenkach ŚMI, kaštuje kala 45 tysiač dołaraŭ. Doma jany robiać kaktejli, što aburyła ŭkraincaŭ, adzin ź ich — «Bieły ruski». Liza pikantna demanstruje svaje formy na kamieru.
Jak raspaviadaje ŭkrainski Telegraf, małodšy syn Kličko Maksim žyŭ u Vialikabrytanii i vučyŭsia tam u pryvatnaj škole, jon zajmajecca baskietbołam. Pavodle vydańnia, maje hramadzianstva ZŠA. U minułym hodzie pastupiŭ u ZŠA ŭ pryvatnuju škołu Taft School.
Lizavieta-Viktoryja Kličko vučycca ŭ adnym z univiersitetaŭ Amsterdama i vyvučaje psichałohiju. Dziaŭčyna taksama zajmajecca sportam — płavańniem. I, pavodle vydańnia, taksama maje hramadzianstva ZŠA.
Akramia taho, u Vitala Kličko jość jašče syn — Jahor. Jon taksama, piša Telegraf, maje hramadzianstva ZŠA, niekatory čas pražyvaŭ u Majami, a zaraz vučycca ŭ Łondanskaj škole ekanomiki. Na videa z Hamburha jon nie byŭ zaŭvažany.
Ci jość u dziaciej Kličko ŭkrainskaje hramadzianstva, ukrainskija ŚMI nie pišuć.
Bajpoł nazvaŭ imiony mahčymych zabojcaŭ Andreja Zielcera. I zajaviŭ, što siłavika «Nirvanu» zastreliŭ svoj ža5
Kamientary