3 krasavika Śviatłana Cichanoŭskaja ŭ rezidencyi ambasadara Narviehii ŭ Vilni sustrełasia z kronpryncam Narviehii Chokanam. Razam ź joj u sustrečy ź biełaruskaha boku brali ŭdzieł staršy daradca Cichanoŭskaj Franak Viačorka, byłaja palitźniavolenaja Asia Bułybienka, žurnalistka i analityk Hanna Lubakova.
Padčas sustrečy baki abmierkavali situacyju z palitviaźniami, Cichanoŭskaja raskazała narviežskamu pryncu pra ŭmovy ŭ turmach i pra toje, što šmat ź jakimi palitviaźniami, u tym liku i ź jaje mužam Siarhiejem Cichanoŭskim, praciahły čas niama anijakaj suviazi. Asia Bułybienka dadatkova ilustravała situacyju raskazam pra asabisty dośvied źniavoleńnia.
Hanna Lubakova raskazała pra represii suprać žurnalistaŭ i pra važnaść padtrymki niezaležnych biełaruskich miedyja, jakija supraćstaja rasijskaj prapahandzie ŭ Biełarusi.
Franak Viačorka sfakusavaŭsia na tym, jak u ciapierašnich umovach pracujuć demakratyčnyja siły i hramadzianskaja supolnaść.
Kronpryncu Chokanu 50 hadoŭ, jon ź ciaham času maje ŭspadkavać narviežski tron paśla svajho baćki, ciapierašniaha karala Charalda V. Karalu Charaldu ŭžo 87 hadoŭ, a na tronie jon znachodzicca z 1991 hoda.
Čytajcie taksama:
Cichanoŭskaja ŭznaharodziła prezidenta Čechii Kryžam dobrasusiedstva
Cichanoŭskaja: My kažam «Dzień Voli», a razumiejem, što ŭsia kraina apynułasia ŭ zakładnikach
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach10
Kamientary