Duda pažadaŭ Zialenskamu pryjechać na nastupny samit Trymorja ŭ kaściumie
Prezident Polščy Andžej Duda pažadaŭ, kab Uładzimir Zialenski pryjechaŭ na samit inicyjatyvy troch moraŭ (Trymorje) u 2025 hodzie «ŭ kaściumie», što budzie simvalizavać zaviaršeńnie vajny va Ukrainie. Pra heta jon zajaviŭ na pres-kanfierencyi pa vynikach samitu Trymorja ŭ Vilni 11 krasavika, piša «Ukrainskaja praŭda».
Polski prezident, jaki zaviaršaje svaju kadencyju ŭ 2025 hodzie, zajaviŭ, što dla jaho pryniaćcie samitu inicyjatyvy troch moraŭ «źjaŭlajecca vielmi važnym asabista», i na im jon čakaje abmierkavańnia vynikaŭ 10 hadoŭ supracoŭnictva jaho ŭdzielnikaŭ.
«Ale ja vieru, Uładzimir, što vy zmožacie prybyć u kaściumie jak prezident krainy, jakaja bolš nie znachodzicca ŭ stanie vajny, jak prezident krainy, jakaja viarnułasia da stabilnaści i jakaja viarnuła mir i spakoj», — dadaŭ jon, źviartajučysia da Zialenskaha.
«Heta majo pažadańnie vam ad usioj dušy dla ŭsiaho hramadstva i naroda Ukrainy. Nam vielmi patrebny mir u hetaj častcy Jeŭropy. I ja ščyra vieru, što jon u nas budzie tady, kali my staniem macniejšymi», — padkreśliŭ Duda.
Prezident Ukrainy Uładzimir Zialenski ŭ čaćvier prybyŭ u Litvu dla ŭdziełu ŭ samicie tak zvanaha Trymorja.
U Vilni jon padpisaŭ jašče adno dvuchbakovaje pahadnieńnie pa biaśpiecy ŭ praciah Vilenskaj dekłaracyi G7 ab «harantyjach biaśpieki» — z Łatvijaj.
Inicyjatyva troch moraŭ — heta inicyjatyva, jakaja abjadnoŭvaje 12 krain ES pablizu Bałtyjskaha, Čornaha i Adryjatyčnaha moraŭ (što i dało joj nazvu).
Zialenski z pačatkam vajny pastajanna pryncypova źjaŭlajecca padčas aficyjnych vizitaŭ u cišotcy ci kofcie ciomna-zialonaha koleru, tym samym nibyta parušajučy dres-kod.
Jak mierkavanaja pieramoha Trampa paŭpłyvaje na Biełaruś?4
Kamientary
Pucin nie puścić svajho sipataha łakieja na taki samit.