Siejm Łatvii adchiliŭ inicyjatyvu ab zabaronie biełarusam pracavać žurnalistami hramadskich ŚMI i piedahohami
27 listapada parłamient nie pryniaŭ da razhladu papraŭki da Zakona «Ab adukacyi», jakija praduhledžvali ŭviadzieńnie z 1 vieraśnia 2025 hoda zabarony dla hramadzian Rasii i Biełarusi pracavać nastaŭnikami.
Taksama parłamient nie budzie razhladać zakonaprajekt, jaki ŭvodzić zabaronu dla hramadskich ŚMI zaklučać pracoŭnyja i aŭtarskija damovy z hramadzianami hetych krain — heta značyć, zabaronu pracavać žurnalistami. Aŭtar abodvuch zakonaprajektaŭ — apazicyjnaje Nacyjanalnaje abjadnańnie, piša Delfi.lv.
U abodvuch vypadkach pieradaču zakonaprajektaŭ na razhlad adkaznych kamisij Siejma padtrymali deputaty ad Nacabjadnańnia i asobnyja deputaty ad apazicyjnaha «Abjadnanaha śpisu».
Suprać vystupili parłamientaryja ad apazicyjnych partyj «Łatvija na pieršym miescy» i «Stabilnaść!». Partniory kaalicyi — «Novaje adzinstva», Sajuz «zialonych» i sialan i «Prahresiŭnyja» — ustrymalisia, faktyčna zabłakavaŭšy dalejšy razhlad zakonaprajektaŭ u parłamiencie.
«Ja taksama čuŭ kontrarhumient, što, maŭlaŭ, nie chapaje nastaŭnikaŭ, što ž my tady budziem rabić? Nielha tak prosta ich prybrać, hetyja hramadzianie Rasii pavinny zastavacca nastaŭnikami. Ale ŭ nas taksama nie chapaje instruktaraŭ u Nacyjanalnych uzbrojenych siłach, a ŭ Łatvii jość niamała adstaŭnych vajskoŭcaŭ SSSR, u tym liku hramadzian Rasii. Napeŭna, vy ŭsie pahodziciesia, što heta absurd, ci nie tak? Tady davajcie likvidujem taki ž absurd u škołach, pavažajučy našych łatvijskich dziaciej», — skazaŭ z trybuny Siejma deputat ad Nacabjadnańnia Artur Butans, nahadaŭšy, što havorka idzie prykładna pra 200 nastaŭnikaŭ.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary
I jak heta jon nie dadumaŭsia šče paznačać biełarusaŭ i rasiejcaŭ farbaj, a ŭnačy śvietadyjodami na kaŭnierach. Kab nichto da ich nie padychodziŭ dy nie nabraŭsia varožych dumak...:)))